Атырау облысы
Жұмыскер кенті
Ғани Мұратбаев атындағы орта мектебінің І-санатты бастауыш сынып мұғалімі
Утенова Алмара Идеятқызы
Тақырыбы: Ағаштар неге ашуланды? Бердібек Соқпақбаев.
Мақсаты:
Білімділігі:Оқушыларды Бердібек Соқпақбаевтың «Ағаштар неге ашуланды» атты шығармасымен таныстыру; түсініп оқи отырып, әңгіменің түйінді ойын ашуға жағдай жасау.
Дамытушылығы: Өз бетінше шығармашылықпен жұмыс істеуге баулу.
Тәрбиелілігі:Адамгершілікке, жанашырлыққа тәрбиелеу.
Түрі: Жаңа сабақ.
Әдісі: сұрақ-жауап, талдау, іздену.
Көрнекілігі: суреттер, кестеле,интерактивті тақта.
Сабақтың барысы: І. Ұйымдастыру кезеңі.
«Жүректен жүрекке»
Талаптанып,
Қанаттанып,
Өмір сырын ұғамыз.
Білім алып,
Тұлғаланып,
Азамат боп шығамыз.
Жылулық шеңбері
ІІ. Үй тапсырмасын сұрау:
1.“Компос” мәтінін мазмұндау
2.Сұрақтарға жауап беру
- Қанатқа әкесі сыйлаған компостың қандай ерекшелігі бар?
Балалар қайда барды?
Боданның компосқа қызыққанын оның қай сөздерінен байқауға болады?
Бодан компосты не істеді?
3. Әңгіменің соңғы бөлігін оқып, өз ойын жазып келу.
“Егер мен Боданның орнында болсам ....”
Топқа бөлу.
Әр топты ағаштың суретін құрастыру арқылы топқа бөлу.
І топ - емен
ІІ топ -қайың
ІІІ топ - қарағай
ІV топ – терек
Ой-қозғау.
1. Оқушылар ағаштың қандай пайдасы бар?
2.Ағаштан қандай заттар жасалады?
3.Оқушылар сендер қандай ағаш түрлерін білесіңдер?
Топтастыру.
ІІІ.Жаңа сабақ.
Бердібек Соқпақбаев.Ағаштар неге ашуланды?
ІҮ.Оқулықпен жұмыс
Мәнерлеп оқу.
Тізбектей оқу
Көркем сөздер
түйе беліндей – жуан бәйтерек
орман атасы – кәрі емен
ми қайнатқан – ыстық
Талдаңыз
Алмабектің жіберген кемшілігі неде?
Ағаштар Алмабекті қалай жазалады?
Алмабек өз кемшілігін қалай түзеді?
Егер Алмабек ағаштардан кешірім сұрамағанда не болар еді?
Кәрі еменнің сөзін тауып оқы. Ол туралы не айтасың?
Салыстыр
Алмабектің ағашы мен басқа балалардың ағаштарының жағдайын салыстыра отырып әңгімелеу.
Бағала
Алмабектің іс-әрекетіне қояр бағаң қандай ?
(Әңгіменің басында, соңында)
Қолдан
Осы әңгімеден нені қолданар едің?
Бой сергіту
Көркем табиғаттың аясында тұрмыз.
Биік-биік жартасқа өрмелеп шығайық,
Көк аспанның таза ауасын жұтып дем алайық.
Ағаштар боп тербелейік,
Мөлдір бұлақ боп ағайық,
Құс болып қалықтап ұшайық,
Орнымызға ақырын ғана қонайық.
Топпен жұмыс
І топ
Әңгімеге жоспар құру.
ІІ топ
Мәтіндегі ағаштардың Алмабекке қойған кінәсін жазып
шығу.
Алмабектің айыбы ....
ІІІ топ
Мәтін мазмұнына байланысты мақал-мәтелдер жазу.
ІV топ
Өсімдікке байланысты ойдан өлең шығару.
Ү.Ой түйін ...
1. Ер еңбегімен озады.
2.Еріншектің ертеңі бітпейді
3.Еріншек езілумен тозады.
Бұл мақалдардың мәтінге қандай қатысы барын дәлелде.
ҮІ.Үйге тапсырма:
Мәтінді мазмұндау;
Сұрақтарға жауап жазу.
ҮІІ.Бағалау
Достарыңызбен бөлісу: | 
