Тақырыбы: «Ізгілікке бастар жол» Өзін-өзі тану пәнінін мұғалімі: Бакирова А. Мақсаты
жүктеу/скачать 24,79 Kb.
|
Ізгілікке бастар жол
Әсемдікке ұмтылайық
- Бұл бет үшін навигация:
- Көнекілігі
- Сәлеметсің бе ….! Мен сені көргеніме қуаныштымын .Саған…….тілеймін.
- Әңгімелесудің мақсаты
- Оқу ақпараты
- Мәтінмен жұмыс
- Өлеңде айтылған
- Дәптермен жұмыс 1-тапсырма
- 2-тапсырма Мәтінді оқыңдар.Өз өмірлік мұраттарыңды мәтіндегі пікірмен сәйкестендіріп аласыңдар ма Мысалдармен дәлелдеп айтып беріңдер. Тыныштық сәті
| Тақырыбы: «Ізгілікке бастар жол»
Өзін-өзі тану пәнінін мұғалімі: Бакирова А. Мақсаты: Оқушыларға ізгілік ұғымы туралы түсінік бере отырып, ақиқат құндылығының мәнін түсіндіру; Міндеттері: оқушыларға ізгілік ұғымы туралы түсінік беру; оқушыларды ізгі істерге жетелейтін адамгершілік қасиеттерін дамытуға ықпал ету; мейірімді, ықыласты болуға тәрбиелеу Көнекілігі: оқулық, аудиокассета Тыныштық сәті: Өзін-өзі тану сабақтарында баланың жүрек соғу ырғағы мен тыныс алуын реттеу үшін қолданылатын тәсіл. Тыныштық сәті толықтай тыныштықта өткізіледі немесе баяу музыка қоюға болады. Осы жаттығуды орындату барысында мұғалім балалардың дене қалпын еркін ұстап, дұрыс тыныс ала білуіне баса назар аударуы тиіс. Балалардың көңіл- күйінің көтеріңкі болып, өздерін жақсы сезінуіне тыныштық сәтінің пайдасы мол. Алғашкы сабақ болғандықтан, мұғалімнің басшылығымен оқушылар шеңберге жиналып, бір –бірін көргеніне қуанышты екенін білдіріп, жақсы тілек айтады. Сәлеметсің бе ….! Мен сені көргеніме қуаныштымын .Саған…….тілеймін. Әңгімелесу: Оқулықта «Ойланайық, пікірлесейік» айдары әңгімелесу өткізу мақсатында ұсынылады. Әңгімелесу үшін төмендегідей сұрақтар берілген: Өзін-өзі тану сабақтарынан қандай жақсы қасиеттерді үйрендің? Осы қасиеттер іс жүзінде қалай көрініс табады? Өзіңе және өзгеге жасаған ізгілік істерің сені қандай сезімге бөлейді. Жазғы демалыста істеген ізгі істерің туралы айтып беріңдер. Әңгімелесудің мақсаты оқушылардың өзін - өзі тану сабақтарынан алған білім біліктерін естеріне түсіріп, жинақтау. Оқушылар мұғалімнің басшылығымен әңгімелесу үшін берілген сұрақтарға жауап іздестіру арқылы өзін-өзі тану сабақтарынан қандай жақсы қасиеттерді үйренгендерін тізбектеп айтып шығады, осы қасиеттердің іс жүзінде қалай көрініс тапқанын тәжібибелерінен мысалдар келтіреді, ізгілік көрсетудің қандай сезімге бөлейтінін ортаға салады, өздері жазғы демалыс кезінде қандай ізгі істер жасай алғандары туралы сыныптастарымен ой бөліседі. Мұғалім оқушыларды 6- сыныпқа арналған «Өзін өзі тану» оқулығының мазмұнымен кеңірек хабардар етеді. «Өзін-өзі тану» оқулығының мазмұны «Таным жолында», «Қарым-қатынас мәдениеті», «Адам және әлем тұтастығы», «Жасампаздық жарасымы» атты төрт тараудан тұрады. Мұғалім өзін-өзі тану сабақтарынан оқушылардың меңгерген білімдері мен біліктерін толықтырып, жаңа ұғымдармен танысып, өздері үшін көптеген жаңалықтар ашып, мағлұматтар алатынын айтады. Оқу ақпараты «Оқу ақпараты» оқушылардың «Ізгілік» құндылығы жөніндегі білімдерін айқындай түседі. «Адам өмірі мен іс- әрекетіндегі жағымды қарым-қатынас пен сүйіспеншілік ізгілік сезімін тудырады. Ізгілік адамның өзіне және өзгеге жасаған жақсы, игі, адал істерін қамтиды, Ізгілік іс игілікке жеткізеді» деген «Оқу ақпаратын» мұғалім өзі оқып таныстырады. Оқу ақпаратымен оқушылар өз бетінше оқып танысып, ондағы әрбір айтылған тұжырымның мағынасын ой елегінен өткізеді. Мұғалім жетекші сұрақтары арқылы әрбір ақпаратқа талдау жасайды. Оқу ақпарат барысында мұғалім оқушылардың «жағымды қарым-қатынасты» таратып айтып берулерін, «сүйіспеншілк» қалайша ізгілік сезімін тудыратын, өзіңе, өзгелерге жасаған «Ізгілік жасау» дегенді қалай түсінетіндерін өз түсініктері мен пайымдаулары бойынша жеткізіп айтуларын сұрайды. Мәтінмен жұмыс Мәтінмен жұмыс жүргізу үшін оқулықтың «Оқып үйренейік» айдарымен ұсынылған оқу материалдары оқушыларға сабақ тақырыбын кеңірек меңгерту мақсатын көздейді. Осы мақсатта Жүсіп Баласағұнидың «Құтты білік» атты шығармасынан үзінді түрінде алынған «Ізгілік» өлеңін мұғалім оқушыларға оқып талдауды ұсынады. Өлеңді мұғалімнің өзі немесе жеке оқушы дауыстап оқып береді. Содан соң оқушылар өлеңді өз бетінше оқып шығады. Өлең мазмұнындағы ізгілік құндылығының мәнін жете меңгеу үшін мұғалім оқушылардың назарын негізгі мәселелерге аударады. Өлеңде айтылған «Ізгілік не? Тегі қандай? Түсі қандай өзінің? Мінез-құлық, ісі қандай өзінің?»- деген сауалдарға өлең мазмұнына сүйене отырып, жауап іздеуді тапсырады. Тапсырма Сабақта тапсырма берудің мақсаты – оқушылардың оқу белсенділіктерін арттырып, ізгілік туралы түсініктерін бекіту. Оқулықта мынадай тапсырма берілген. Мейірімді және ықыласты болуға жетелейтін игі істер мен жақсы әрекеттер топтамасын жасаңыздар. Оқушылар тапсырманы жекелей немесе топпен жұмыс түрінде орындауларына болады. Мысалы: ізгілікті болу үшін -мейірімді бол-үлкендерді сыйлап-құрметтеу, өзіңді қоршаған адамдарға көңіл бөлу, әлсіздерге көмектесуге ұмтылу, достарыңмен ізгілікті қарым-қатынаста болу. Түйіндеме Мұғалім оқушыларды түйіндемемен таныстырады. Адамның мейірімді, ықыласты болуы, елін, жерін сүюі, танып-білуге құштарлығы, еңбексүйгіштігі ізгі істер мен жақсы әрекеттерге жетелейді. Дәптермен жұмыс 1-тапсырма Нақыл сөзді оқыңдар: Мен кіммін? Менің өмірдегі мақсатым не? деген сұрақтар негізінде ой тұжырымдарыңды жасаңдар 2-тапсырма Мәтінді оқыңдар.Өз өмірлік мұраттарыңды мәтіндегі пікірмен сәйкестендіріп аласыңдар ма? Мысалдармен дәлелдеп айтып беріңдер. Тыныштық сәті Сабақты қорытындылап, аяқтау мақсатында оқушылар мұғаліммен бірге шеңберге жиналады. Оқушылар сабақ тақырыбында тиянақтау үшін кезекпен «Ізгілік дегеніміз,меніңше….» – деген ойды жалғатырып, өз тұжырымдарын жасайды. жүктеу/скачать 24,79 Kb. Достарыңызбен бөлісу:
|