АЛМАТы ТЕХНОЛОГИЯЛЫҚ УНИВЕРСИТЕТІ https://atu.kz/ ФАКУЛЬТЕТ «Экономика және бизнес»
«Экономика және менеджмент» КАФЕДРАСЫ
ПӘНІ:« КӘСІПКЕРЛІК» ЛЕКЦИЯ №12 Экономика ғылымдарының кандидаты, ЭиМ кафедрасының доценті
Эл.адрес: ali512@mail.ru
1. Коммерциялық мәміле жөніндегі ұғым. Мәміле түрлері (халықаралық, ішкі, негізгі және қосымша) және оның мазмұны. Коммерциялық мәміле жүргізудің негізгі әдістері. Тікелей сауда мәмілесін жүргізу артықшылықтары. Кәсіпорын мен делдалдар арасындағы қарым-қатынастың сипатына байланысты сауда-делдалдық топтар.
2. Келісімшарт – коммерциялық мәміле жүргізудің негізгі құжаты. Келісімшарттың негізгі түрлері және оның мазмұны. Сату және сатып алу келісімшарттарын жасауға қойылатын талаптар. Келісімшарттың негізгі бөлімдері.
Кәсіпкерлік қызмет шикізаттарды, тауарларды немесе құрылғыларды сатып алусыз және де өндірілген тауарды өткізусіз немесе сатусыз жүзеге аспайды, сондықтан мәміле заты – тауар сату немесе оны сатып алу жөнінде кәсіпкер жабдықтаушы немесе сатып алушымен келіседі.
Коммерциялық мәміле деп келісімшартта бекітілген шарттарға сәйкес екі немесе бірнеше қатысушылар арасындағы тауарларды, жұмыстарды не қызмет көрсетулерді жеткізуге келісім деп танылады.
Мәміле мәліметтері әр түрлі белгілер бойынша түрлендіріледі: мәміле қатысушыларына байланысты, маңыздылық дәрежесіне байланысты, іс-әрекет мерзіміне байланысты болады.
Мәміле қатысушыларына байланысты халықаралық және ішкі болып бөлінеді.
Егер мәмілеге бір мемлекеттің уәкілдері және де сатушы немесе сатып алушы осы елде тіркелген шетелдік фирмалары қатысса, онда мәміле ішкі деп танылады.
