Таласпаева Жанар Серкешқызының ғылыми еңбектері 200-ге жуық, оның ішінде2002 жылы доцент ғылыми атағын алғаннан кейін: 1 монография

10.02.02 – қазақ тілі мамандығы бойынша профессор ғылыми атағын беру туралы

Ж.С.Таласпаева1970 жылы дүниеге келген, ұлты – қазақ, Қазақстан Республикасының азаматшасы, 1999 жылдан бастап филология ғылымдарының кандидаты. Ғылыми–педагогикалық өтілі – 24 жыл, 3 ай, профессорміндетін атқарушы қызметінде – 2 жыл, институт директоры қызметінде – 11 жыл.

Таласпаева Жанар Серкешқызының ғылыми еңбектері 200-ге жуық, оның ішінде2002 жылы доцент ғылыми атағын алғаннан кейін: 1 монография, 7 оқу құралы, 7 оқу-әдістемелік құрал,шетел мемлекеттерінің ғылыми журналдарындағы мақалалар – 17 (оның ішінде Thomson Reuters (ISI web of Knowledge. Impact-factor=0.165) компаниясының ақпараттық базасының деректері бойынша нөлдік емес импакт-факторға ие халықаралық ғылыми журналдарда – 6 мақала), Комитет тізіміндегі ғылыми журналдарда –23 мақала, шетел мемлекеттерінің ғылыми конференция материалдарында – 11 баяндама (Чехия, Болгария, Ресей, Украина) жарияланған.

Таласпаева Жанар Серкешқызы 2007, 2012 жылдары қыркүйек айында Қазақстан Республикасы Білім және ғылым министрінің Құрмет грамотасымен, 2010,2015 жылдары Мемлекеттік тілді дамытуға және мемлекеттік тіл саясатын насихаттауға қосқан үлесі үшін Солтүстік Қазақстан облысы әкімінің Құрмет грамотасымен, 2011, 2013 жылдары Солтүстік Қазақстан облысының Білім басқармасының алғыс хатымен, 2011 жылы«М.Қозыбаев атындағы Солтүстік Қазақстан мемлекеттік университетінің дамуына қосқан ерен еңбегі үшін» Үлкен алтын медалімен, 2016 жылы жас ұрпақты оқыту және тәрбиелеу ісіндегі елеулі табыстары үшін «Ы.АЛТЫНСАРИН» белгісімен марапаттталды.

Еңбектерінде келесі ғылыми жаңалықтар қарастырылған:

- Солтүстік Қазақстан өңірі ақын-жазушыларының өмірі мен қоғамдық қызметі туралы мәліметтер жинақталып, әдеби мұралары зерттеледі. Олардың шығармаларына лингвостилистикалық талдау жасалып, қазақ әдебиеті тарихында алатын орны айқындалады;

- Қазақ халқының XIX ғ. екінші жартысы мен XX ғ. басында өмір сүрген суырып салма әнші-ақын – Мұсайын Сегізсеріұлының өмірбаяны мен шығармашылығы зерттеледі. Ақын туралызерттеулер баспа бетіне тұңғыш рет жарыққа шығарылады;

- ХХ ғасырдың бірінші жартысында өмір сүрген ақын, журналист Ғалым Малдыбаевтың өмірдеректері зерттеліп, поэзиясына лингвокогнитивті талдау жасалады. Қаламгердің қоғамдық қызметі жайында мол мағұлматтар жинастырылып, тілдік тұлғасы жан-жақты ашылады.

- Көркем шығарма тілі табиғатының ерекшеліктері зерттеледі. Ғабит Мүсірепов, Сафуан Шаймерденов, Сәбит Мұқанов, Мағжан Жұмабаев, туындыларының концептуалдық аясы қарастырылады. Ғылыми зерттеулері суреткер болмысының акиқат шындығын, көркемдік, эстетикалық күш-қуатын көрсете білуге арналады.

- Белгілі мақсатқа сәйкес үйлестіріліп қолданылатын айтушы сөзінің коммуникативті-прагматикалық, ассоциативті-стилистикалық мәнін ашудағы сөз топтарының қызметі, сөйлеу стереотипі, прагматикалық клишелер туралы мағлұматтарберіліп, мәтінге стильдік талдаудың теориялық және тәжірибелік аспектілері қарастырылады.