Ахмет Байтұрсыновтың өмірбаяны
1. А. Байтұрсынов қай жылы дүниеге келген?
(1873 жылы)
2. Қай қалада мұғалімдік мектепте оқып, білім алған?
145
(Орынбор)
3. А. Байтұрсынов қай газетке редактор болған?
(“Қазақ” газеті)
Мұғалім:
Ахмет өмірі мен шығармашылығы келер ұрпаққа мәңгілік өнеге
болып қала бермек. Ахмет рухына тағзым ете отырып, бүгінгі тәрбие сағатын
осымен аяқтайық.
АХМЕТ БАЙТҰРСЫНҰЛЫНЫҢ ЖЕР ТУРАЛЫ ЖАЗҒАН
МАҚАЛАЛАРЫНЫҢ МАҢЫЗЫ ЖӘНЕ ОНЫ СЫНЫПТАН ТЫС
ОҚУДА ПАЙДАЛАНУ
Аширбекова Аягуз Токмырзаевна
Адамдық диқаншысы қырға шықтым,
Көлі жоқ, көгалы жоқ құрға шықтым.
Тұқымын адамдықтың шаштым, ектім,
Көңілін көгертуге құл халықтың…
(Ахмет Байтұрсынұлы)
«Қамсыз жатқан қазақтың көңіліне соңғы кезде ғана қайғы кіре бастады.
Басқа келген нәубеттің қайдан келгенін, кімнен басталғанын біле алмай,
әркімнен көріп өкпеледі. Пайдаланып отырған жерін мұжыққа алып берді
деп үкіметке өкпеледі. Қазақ жерін қазыналық етуге неге көнген деп
өткендерге өкпеледі.» Осылай басталатын Ахмет Байтұрсынұлының
«Қазақтың өкпесі» мақаласы кімге де болса үлкен ой салары анық.Көркем
шығармаларын ғана оқып жүрген мен Алаштың ардақты азаматының 150
жылдығы қарсаңында мақалаларын оқуға кірістім. Маған ақынның сол
кездегі қазақ қоғамындағы үлкен қоғамдық ,саяси, әлеуметтік мәселелерді
көтерген мақалаларын оқушыларға неге оқытпасқа деген ой келді.
Оқытудағы
мақсатым
алаш
ардақтысы
Ахмет
Байтұрсынұлының
мақалаларын оқушыларға таныстыру, қоғамдық маңызын ұғындыруды
көздейді.
«Біздің заманымыз – өткен заманның баласы, келер заманның атасы» деп
Ахмет айтпақшы, міне біздің заманымыз да – Ахмет өмір сүрген заманның
баласы, келер күннің атасы.Сондықтан сол бір өткен күндер мен өзім өмір
сүріп жатқан бүгінгі күнді салыстыра қарадым.
Мақалаларын оқи келе, өзімше Ахмет көтерген, шешімін іздеген
мәселелердің бастысы деп төмендегілерді тіздім:
-жер мәселесі;
-шаруа жайы(егін егу, мал бағу);
-медицина, емшілік мәселесі.
|
