Сұйық заттың көлемі мен ыдыстың сыйымдылығын өлшеуге арналған жалпы қабылданған өлшем бірлік литрмен балаларды таныстыру
Балаларға жалпыға міндетті сұйықтықты өлшеу тәсілі және көлем өлшеуіштері туралы білімді айтпас бұрын, оларды шартты өлшеуіштермен өлшеп жаттықтырып алуға болады: 1) литрлік банкіге су толтырып, әр түрлі өлшеуіштермен өлшеп алу керек; 2) Литрлік банкіні алып су толырып, көлемі жағынан әртүрі өлшеуіштермен өлшеу; 3) көрсетілген сан бойынша литрлік банкілерге су құю, оларды көлемі бойынша әр түрлі өлшеуіштермен өлшеу, салыстыру.
Бұл тапсырмаларды орындауда бекітіледі:
а) кез келген ыдысқа сыятын сұйықтық санын өлшеуішпен анықтауға болады;
б) көлемді өлшеуіштерді өлшеудің негізгі ережелері: егер толық өлшеуішпен өлшесек, нәтиже дұрыс болады.
в) өлшеуіштің көлеміне қлшеу нәтижесі байланысты екендігі туралы ұғым.
Ары қарай көлемнің бірлігі ретінде литрмен және жалпы міндетті сұйықтықты өлшеу тәсілімен танысуға өтуге болады:
а) тәрбиеші балаларға олардың сұйықтық заттардан білетіндерін айтуды ұсынады;
б) өлшеу кружкасы көрсетіледі және сұйық заттарды « литр» деп аталатын өлшеуішпен өлшейтіні және өлшеу кружкасына л. Су сиятыны туралы түсінік беру;
в) өлшеу кружка көмегімен басқа ыдыстардың сыйымдылығы анықталады;
г) қашан және неге литрмен өлшеу қажеттігі анықталады.
Тәжірибелік дағдылар мен білімді бекіту үшін өткізуге болады: а) «Дүкен» ойыны, бұл ойын кезінде сатушы сатып алушыларға банкаларға 1л, 2л, 3л сүт береді; б) «Ыдысқа қанша литр су сиятынын тап» (алғашанда көлемі көзмөлшермен, кейін өлшеуішпен анықталады); в) екі ыдыстағы сұйықтық мөлшерін теңестіру жаттығуы.
Мұндай жұмыс барысында балаларда көлем өлшеу бірлігі туралы ұғым қалыптасады, «литр» сөзінің мағынасы түсініктірек болады, ыдыс сыйымдылығын анықтау тәсілін түсінеді.
Жалпыміндетті өлшеуіштермен таныстыру үшін м.ж.д.балалар тәжірибесі мен күнделікті өмірін кең көлемде алған дұрыс.
