1-Ақ жаулығы ананың — ақ көрпесі баланың.
2-Ақ шашты ана: «жастығым — балам» дейді.
Ақылды бала: «ай-күнім — анам» дейді.
3-Алты ұл тапқан ананы «ханым» десе болады.
Сыйласа білген адамды «жаным» десе болады.
4-Аналы баланың өзі тоқ,
Анасыз баланың көзі тоқ.
5-"Анамды жақсы көргендіктен келісін түйдім.
Аулымды жақсы көргендіктен желісін сүйдім".
6-Ананың алақаны балаға айдынды қоныс.
7-Ананың сүйген жері
отқа күймейді, оқ та тимейді.
8-Ананың сүті — бал,
Баланың тілі — бал.
9-Ананың ізін қыз басар,
Атаның ізін ұл басар.
10-Ана көркі алдындағы баласы,
Қала көркі үйі, орман-ағашы.
1-Қыз қылығымен сүйкімді.
2-Қызы бардың назы бар.
3-Қызға қырық үйден тыйым.
4-Жақсы қыз - жағадағы құндыз.
5-Астың дәмін келтірген тұз әулие
Елдің сәнін келтірген қыз әулие.
1-Өмір — теңіз,
Еңбек — егіз,
Ақыл — сегіз.
2-Еңбегі аздың өнбегі аз.
3-Еңбегі жанғанның тоқтысы егіз туады.
4-Күш - білімде, білім - кітапта.
5-Екпей егін шықпас,
Үйренбей білім жұқпас.
6-Ақыл азбайды,
Білім тозбайды.
7-Жұмысы жемістінің —Өмірі келісті.
8-Өмірде із қалдыру балалықтан басталады.
Достарыңызбен бөлісу: |
