ШАҒЫН ЖИНАҚТЫ МЕКТЕПТЕРДІ ДАМЫТУДЫҢӘЛЕУМЕТТІК ШАРТТАРЫ

Шағын жинақты мектептердің пайда болу себептерінің бірі – ауыл тұрғындарының елді мекенде орналасу тығыздығының біркелкі болмауы. Оған себеп – ауылдық елді мекендерде өндірістік инфроқұрылымның жоқтығы, жұмыссыз қалған ауыл тұрғындарының қалаға, ауданға көшіп кетуіне байланысты болуы. Шағын жинақты мектептерде оқытудың негізгі кемшіліктері: оқушылар санының аздығы, сыныптардың комплектіге жинақталуының, жоспарлау технологиясы мен сабақ кестесі құрылуының әртүрлілігі, кадрлық және материалды-техникалық базаның нашар қамтамасыз етілуі, әртүрлі жастағы оқушы ұжымын бір сынып-комплектісінде, бір және әртүрлі пән сабақтарының біріктіріліп оқытылуы.Шағын жинақты мектептің рөлі көбінесе нақты елдің немесе оның аймағының демографиялық, экономикалық және саяси жағдайларымен анықталады. Оқушылар саны аз шағын жинақты мектептегі сабақта, оқушы тығызбайланыс жағдайында өзін сыни тұрғыдан бағалауға, оқылатын тақырып бойынша білімін тереңдетуге мүмкіндік алады. Сонымен қатар жас шамалары әртүрлі сынып оқушыларының бір сыныпта отырып оқуы, олардың жалпы танымдық әрекетін кеңейтуге және мұғалімнің тақырыптарды оқытудағы өзара жалғастырушылықты жүзеге асыруына мүмкіндік береді.Шағын жинақты мектепте өтетін сабақ регионалды компонентпентолықтырылатын болса, оқушылардың өз өлкесі жайлы білімін жетілдіреді,біліктілікті қалыптастырады, оқытумен қатар тәрбиелейді және болашақмамандығын таңдауға жетелейді.