| Жеке фармакологияның бір маңызды тарауы – нейрофармакология.
Бұл
дәрілердің жүйке жүйесіне әсерін зерттейтін фармакологияның бір бөлімі. Нерв
жүйесіне әсер ететін дәрілер, нейротроптық дәрілер деп аталады. Олар әсер ету орнына
қарай екі топқа бөлінеді:
1.
Шеткі жүйке жүйесіне әсер ететін дәрілер.
2.
Орталық жүйке жүйесіне әсер ететін дәрілер.
Шеткі жүйке жүйесіне әсер ететін дәрілер
Шеткі жүйке жүйесінде афференттік және эфференттік бөліктерін ажыратады. Нерв
серпіністерін ағзалар мен тіндерден ОЖЖ-не жеткізетін нерв талшықтарын афференттік
(әкелуші) талшықтар деп атайды. Нерв серпіністерін орталықтан (ми, жұлын) ағзалар
мен тіндерге жеткізетін талшықтарды эфференттік (әкететін) деп санайды. Осыған орай
шеткі жүйке жүйесіне әсер ететін дәрілер екі топқа бөлінеді.
1.
Афференттік жүйкелерге әсер ететін дәрілер
2.
Эфференттік жүйкелерге әсер ететін дәрілер
Афференттік жүйкеге әсер ететін дәрілер арасында жергілікті жансыздандыратын
дәрілер негізгі орын алады. Бұл топтың препараттары хирургия, стоматология және т.б.
хирургиялық саладағы емханаларда, кардиологияда кең қолданылады. Медицина
практикасында жергілікті жансыздандыратын дәрілердің ашылуы және енгізілуі ең
басым мәселе – хирургиялық операцияларда ауырсынуы басу мүмкіндігін шешті.
Достарыңызбен бөлісу: | 
