Шоқанньң әдеби зерттеуеңбектері көлемі жағынан шағын, олар хат, мақала, очерк түрінде жазылған. Оның әдеби зерттеу еңбектерін Қ.Жұмалиев үш топқа бөледі: а) Қазақ әдебиеті тарихының мәселелері, ақындар, олардың шығармалары туралы мәлімет; б) Қырғыз бен қазақ халықтарының ауыз әдебиеті туралы зерттеулер; в) Қазақ- қырғыз поэзиясының түрлері туралы теориялық зерттеулер. Қазақ суырыпсалмалығы туралы ол: «Мұндай қасиеттердің болуына көшпелілердің алаңсыз тіршілігі, өмірі әсер етті ме, әлде ұшы-қиыры жоқ жасыл дала мен моншақтай тізілген жұлдызы көп ашық аспанды сұлу табиғаты әсер етті ме, ол қазірге бізге белгісіз». Шоқан қазақтың суырыпсалма ақындарының ішіпде Шөже, Жанақ ақындардың дарындылығын, олардың ерекше шеберлігін айтты. Жанақты «Қозы Көрпеш – Баян сұлуды» жырлап өткен өз кезінің ірі суырыпсалма ақьны деп атап көрсетеді. Ғашықтар кесенесін Шоқан арнайы түрде барып көреді.
