Жанат баламның қабірі басында
Толқиды Каспий, толқиды үнсіз,
Қараңғы түнде Айсыз да Күнсіз.
Дәрменсіз жүрек тоқтады кенет,
Ақ таулар қалды бір шөкім гүлсіз.
«Қошқар ата» қорымынан табылды ма мекенің?
Білмедің-ау ғұмырыңның тым-ақ қысқа екенін.
Артыңдағы Санжарыңа бақ дарытсын Тәңірім,
Көз жасымен жазылған тілегі бұл әкенің.
Азамат ең кең пейілді, достарың көп өзіңдей,
Теңеу таппай көп қиналған ақындардың сөзіндей.
Иманды бол, құлыным, орның болсын пейіште,
Ұрпағың бар артыңда – асыл бейнең, көзіңдей.
Е.Мундуинов
87-жаттығу. 1. Өлеңді мәнерлеп оқып, сөз табына талдау жаса. «Отан – отбасынан басталады» тақырыбына шығарма жаз. Өлеңді жаттап ал.
Туған елім
Үміт қып менен қарайсың,
Көңіліңе медеу санайсың.
Балалыққа жарасам,
Аталыққа жарайсың.
Қайтейін, елім, қимаймын?!
Қия алмай жанды қинаймын.
Қимай қалсам ішінде,
Тағы тыншып сыймаймын.
Алты қырдан ассам да,
Сөздеріңді сыйлаймын.
Тек қалауым сіздерден
«Серіктікті» милаймын;
Сіздерге әкеп шашуға
Ілім-білім жинаймын.
С.Торайғыров
Достарыңызбен бөлісу: |
