Кадр потенциалында да өзгерiстер болған едi. Егер бұрын жоғары бiлiмдi мамандардың бiраз бөлiгi басқару жүйесiнде шоғырланған болса, ал 50-60 – жылдары олардың көп бөлiгi өндiрiс сферасында еңбек еттi. Сондай-ақ жұмысшылар мен шаруалардың бiлiмдiк және мамандық дәрежесi өстi. Осындай жағдайда өмiр еңбекшiлердiң бiлiмi мен тәжiрибесiн толық және тиiмдi пайдалануды және бәрiнен бұрын, жергiлiктi жерлерге мейлiнше дербестiк берудi талап еттi.
Оның бер жағында, мемлекетте басшылық ауысты. 1964 жылы қазанда КОКП ОК-нiң Пленумы Н.С.Хрущевтi (1953 жылғы қыркүйектен берi мемлекет басшылығындағы) шаруашылық мәселелердi шешкенде субъективизмге, волюнтаризмге (өмiрдiң негiзi ерiк деп түсiндiрдi), басқарудың әкiмшiлдiк әдiсiне бой ұрды деп сынап, оны өз еркiмен қызметiнен кеттi деуге саятын өтiнiшiн қанағаттандырды.
Сонымен, Пленум Н.С.Хрущевты ОК-тiң I-хатшысы, ОК-тiң Төралқа мүшесi және КСРО Министрлер Кеңесiнiң төрағасы мiндеттерiнен босатты. Пленум КОКП Орталық Комитетiнiң 1-хатшысы етiп Л.И.Брежневтi сайлады, мұнымен қатар КСРО Министрлер Кеңесiнiң төрағасы болып А.Н.Косыгин тағайындалды.
Достарыңызбен бөлісу: |
