5 ТАҚЫРЫП. АЗАМАТТЫҚ ІС ЖҮРГІЗУДЕГІ ҮШІНШІ ТҰЛҒАЛАР Үшінші тұлғаның түсінігі және түрлері. Даудың пәніне дербес талап қоятын үшінші тұлғалар. Даудың пәніне дербес талап қоймайтын үшінші тұлғалар.
Дәріс Үшінші тұлғаның түсінігі және түрлері. Үшінші тұлғалар - өздерінің субъективті құқықтары мен мүдделерін қорғау үшін басталып кеткен азаматтық процеске қатысатын және тараптардың ( талап қоюшы мен жауапкердің) құқықтары мен мүдделерімен сәйкес келмейтін тұлғалар.
Үшінші тұлғалардың азаматтық процеске қатысудың негізгі себебі - олардың қаралып жатқан азаматтық істе өздерінің жеке мүддделері бар. Івс бойынша сот шешімі олардың материалдық құқықтары мен міндеттеріне әсер етуі мүмкін. Бұған қоса үшінші тұлғалар
институты нақты бір іс бойынша бірнеше әртүрлі талаптарды біріктіруге мүмкіндік етеді,
істің бүкіл мән- жайларын сотпен толық зерттеуді қамтамасыз етеді және негізсіз сот шешімдерін шығарудан сақтайды деуге болады.
Үшінші тұлғалардың іс бойынша мүддделерінің деңгейі әр түрлі болуы мүмкін, сондықтан олардың 2 түрі болады:
1- мәлімдемейтін;
2- мәлімдейтін;
