шақыру одағайлары деп аталады. Шақыру одағайлары: моһ-моһ, құру-құру, аухау-аухау, шөре-шөре, піш-піш, кә-кә, шек, шық, аһ, шүу, т.б.
1) Одағайлар сөйлемнің басында да, ортасында да, соңында да келе береді. Одағай сөйлемнің басында келсе, көңіл күйге, дауыс ырғағына қарай одан кейін үтір не леп белгісі қойылады. Мысалы: Шіркін-ай, дәмі керемет екен! Пай-пай! Осы бетіңнен қайтпа! Одағай сөйлемнің ортасында келсе, екі жағынан үтір қойылады. Мысалы: Қызық екенсің, өй, мұның не? Одағай сөйлемнің соңында келсе, алдынан үтір қойылады. Мысалы: Олар кетіп қалыпты, әттеген-ай! Одағайлы сөйлемнің соңынан леп белгісі қойылады.
2) Одағай ерекше сезіммен, көтеріңкі дауыспен айтылса, онан кейін леп белгісі қойылады. Мысалы: Япыр-ай! Бір нәрсеге ұшырамаса игі еді!
3) Одағай көркем шығармадағы диалогтарда бір сөйлемнің орнына жұмсала береді. Мысалы:
ـــ Жүктеген міндетіңізді орындап болдым.
ـــ Бәрекелді!
4) Қайталанған одағайлардың арасына сызықша қойылады. Мысалы: пай-пай, құру-құру, шөре-шөре, т.б.
Достарыңызбен бөлісу: |
