2022 жыл Асыл тұқымды және қолданыстағы ірі қара малды кедендік одақтың аумағында және (немесе) Тараптар арасында тасымалдау (орнын ауыстыруда) кезінде қойылатын ветеринарлық талаптар

СӨЖ
Пәні: Шекара және транспорттағы ветеринарлық қадағалау

Сабақтың тақырыбы: Кеден одағының кедендік аумағына асыл тұқымды, ІҚМ, ҰҚМ, шошқаларды, олардан алынған өнімдерді, шикізаттарды, ұрықтар мен эмбриондарды, консервілерді әкелуіне қойылатын ветеринарлық-санитариялық талаптар.

Тапсырманың мақсаты мен мазмұны: Тасымалдауға арналаған өнімдердің түрлерін және тәртібін игеру.

Кедендік одақтың аумағына тасымалдауға және жақтар арасында орнын ауыстыруға бруцеллезге, аусылға, лептоспирозға қарсы вакцинацияланбаған, жануарлардың жұқпалы ауруларынан сау аумақтардан шығарылатын дені сау асыл тұқымды және қолданыстағы ірі қара малға рұқсат беріледі, аталған жұқпалы ауруларға жататындары;

• 
  ІҚМ кеуекті энцефалопатиясы – ХЭБ Кодексінің ұсыныстарына сәйкес атанған ауру бойынша аз мөлшерде аймаққа бөліп немесе қауіптілікті бақылауға ала отырып осы ел аумағында немесе әкімшілік аумақта;
  
• 
  аусыл – аймаққа бөлу тәртібіне сәйкес ел аумағында немесе әкімшілік аумақта соңғы 12 ай бойы;
  
• 
  контагиозды плевропневмония, везикулярлы стоматит, блутанг, ІҚМ обасы - аймаққа бөлу тәртібіне сәйкес ел аумағында немесе әкімшілік аумақта соңғы 24 ай бойы;
  
• 
  індетті іріңді дерматит - аймаққа бөлу тәртібіне сәйкес ел аумағында немесе әкімшілік аумақта соңғы 3 жыл бойы;
  
• 
  лептоспироз - шаруашылық аумағында соңғы 3 ай бойы;
  
• 
  лейкоз - шаруашылық аумағында соңғы 12 ай бойы;
  
• 
  бруцеллез, туберкулез және паратуберкулез - шаруашылық аумағында соңғы 6 ай бойы;
  
• 
  сібір жарасы - шаруашылық аумағында соңғы 20 күн бойы.