А. Баймуханова Мемлекеттік тілде іс жүргізу

Павлодар

М. А. Баймуханова

Павлодар

2012

КБЖ 65.050я7

М44

С. Торайғыров атындағы Павлодар мемлекеттік университетінің гуманитарлық-педагогикалық факультетінің қазақ тілі кафедрасының отырысында басуға ұсынылды


Пікірсарапшы

М. Қ. Шарипова – филология ғылымдарының кандидаты, доцент.

М44 Мемлекетік тілде іс жүргізу : барлық мамандықтардың студенттеріне тәжірибелік сабақтарға арналған әдістемелік нұсқау / М. А. Баймуханова. – Павлодар : Кереку, 2012. – 25 б.

Әдістемелік нұсқаулықта "Мемлекеттік тілде іс жүргізу" пәні бойынша тәжірибелік сабақтарға дайындалу үшін берілетін тапсырмалар және оларды орындау жөніндегі ұсыныстар, сабақтарға дайындалуға қажет құжат үлгілері берілген.

Әдістемелік нұсқаулық "Мемлекеттік тілде іс жүргізу" пәнінің жұмыс бағдарламасына сәйкес әзірленді.
ӘОЖ 651.9 (07)

КБЖ 65.050я7

© Баймуханова М. А., 2012

© С. Торайғыров атындағы ПМУ, 2012

Жоғары оқу орындарының қазіргі студенттері – мекемелердің, ұйымдардың, кәсіпорындардың болашақ қызметкерлері, басшылары. Келешекте мекемедегі құжаттарды мемлекеттік тілде құрастыратын, ресімдейтін, я осы істерге басшылық жасайтын мамандар. Сондықтан мемлекеттік тілдің қазіргі жағдайында «Мемлекеттік тілде іс жүргізу» арнайы курсын оқу орындарында оқытудың маңызы зор болып отыр.

Мекемелерде қызмет атқаратын әрбір азамат, білікті маман түрлі іс қағаздарының жазылу және ресімделу тәртіптерін, оларды құрастыру мен толтыру үлгілерін білулерімен таныс болулары қажет. Берілген әдістемелік нұсқау іс қағаздарын қазақ тілінде жүргізудің маңыздылығын, құндылығын ұғындыру мақсатында шығарылып отыр.

Әдістемелік нұсқау пәнге қатысты қысқаша түсініктемеден, берілген тапсырмаларды өткізу мен қорғау жайлы ақпараттан, пәннің жоспарынан, практикалық сабақтарда қаралатын сұрақтардан және сабақта өздік жұмысқа берілетін тапсырмалардан тұрады. Әдістемелік нұсқауда берілген үлгілер қазақ тіліндегі құжаттарды сауатты түрде құрастыруға, оларды талапқа сай ресімдеуге мүмкіндік береді.

Әдістемелік нұсқау «Мемлекеттік тілде іс жүргізу» пәнінің

С. Торайғыров атындағы Павлодар мемлекеттік университетінің Ғылыми кеңесінде бекітілген жұмыс бағдарламасы негізінде жасалды.

Қазақстан Республикасындағы тіл туралы негізгі заң актілерімен таныстыру. Мемлекеттік тілде іс жүргізудің маңызын түсіндіру. Іс жүргізудің бірыңғай мемлекеттік жүйесін, Қазақстан Республикасында қабылданған ережелерде қойылған талаптарға сәйкес құжаттарды жүйелеу мен ресімдеуді үйрету. Қазіргі қазақ тілінің ресми-іскери стилінің ерекшеліктерін ескеріп, қазақ тілінде құжат мәтіндерін құрастыруды меңгерту. Жеке адамдардың және ұйымдастыру-реттеу құжаттарының құрастырылуы мен ресімделуін үлгілер арқылы таныту.

Осы пәнді оқыту нәтижесінде студенттерге:

- Қазақстан Республикасындағы тіл туралы негізгі заң актілерін;

- қазақ тілінің ресми стилінің ерекшеліктерін;

- қазақ тілінде құжат мәтіндерін құрастырудың ерекшеліктерін;

- құжат мәтіндерін ресімдеудің тәртібін;

- құжат мәтіндерін қазақ тіліне орыс тілінен аударуды;

- қазақ тілінде құжат мәтіндерін құрастыруда практикалық машықтарды игерту.

Сондай-ақ іс қағаздарын қазақша жүргізудің маңыздылығын, оның қазақ тілінің мемлекеттік тіл ретінде қызмет етуінің алғы шарттарының бірі екендігін ұғындыру.
1.3 Сабақ соңында студенттер мыналарды білуі қажет:

- «Қазақстан Республикасының тіл туралы» Қазақстан Республикасы заңының мазмұнын және қашан қабылданғанын;

- құжаттардың мазмұнына қарай бөлінетін түрлерін;

- құжаттарды құрастырудың және ресімдеудің ерекшеліктерін;

- реквизиттердің қазақша атауларын;

- реквизиттердің орналасу тәртіптерін;

- ресми іс қағаздары стилінің ерекшеліктерін;

- іс жүргізуге байланысты терминдерді.

- студенттер жұмыстарының нәтижесін практикалық сабақтарда, оқытушымен өткізетін өздік жұмыстарда айтады немесе жазбаша түрде тапсырады;

- студенттер өз уақыттарын және жұмыстың тапсыру күнін оқытушымен келісіп белгілейді;

- оқытушы жұмыстарды тексергеннен кейін тиісті ұпайлары (балл) қойылады.

1. Қазақстан Республикасының Конституциясының тіл туралы баптары (7, 19, 93-баптар).

2. «Қазақстан Республикасындағы тіл туралы» Қазақстан Республикасының заңы.
2-тақырып. Құжат реквизиттері. Құжаттарды ресімдеудің ережелері

1. Қазақстан Республикасында белгіленген құжат реквизиттері.

2. Құжат реквизиттерін ресімдеудің тәртібі.
3-тақырып. Жеке адамдардың құжаттары: өмірбаян, резюме, қолхат, сенімхат

1. Жеке адамдардың құжаттарының ерекшеліктері.

2. Өмірбаян.

3. Резюме.

4. Қолхат.

5. Сенімхат.

1. Қызметкерлер құрамына байланысты құжаттар: ерекшеліктері мен маңызы.

2. Жұмысқа қабылдау туралы өтініш.

3. Басқа қызметке ауыстыру туралы өтініш.

4. Еңбек демалысы туралы өтініштер.

5. Жұмыстан босату туралы өтініш.

1. Жеке іс парағының үлгісі.

2. Жеке іс парағын толтыру.
6- тақырып. Мінездеме

1. Мінездеменің жазылу жағдайлары.

2. Мінездеменің үлгісімен жұмыс.

3. Мінездеменің мәтінін құрастыру.

1. Қызметкерлер құрамына байланысты бұйрықтардың жазылу ерекшеліктері.

2. Жұмысқа қабылдау туралы бұйрық.

3. Еңбек демалысы туралы бұйрықтар.

4. Жұмыстан босату туралы бұйрық.
8-тақырып. Еңбек келісімдері

1. Еңбек келісімінің маңызы, ерекшеліктері.

2. Еңбек келісімінің үлгісін аудару.
9-тақырып. Анықтамалық-ақпараттық құжаттар: анықтама

1. Анықтамалық-ақпараттық құжаттардың маңызы мен түрлері.

2. Анықтаманың түрлері, үлгілермен жұмыс.

3. Анықтама мәтіндерін жазу.

1. Баяндау хаттың жазылу жағдайлары.

2. Баяндау хаттың үлгілерімен жұмыс.

3. Баяндау хат мәтіндерін жазу.

1. Түсініктеменің жазылу жағдайлары.

2. Түсініктеменің үлгілерімен жұмыс

3. Түсініктеменің мәтіндерін жазу.

1. Хабарландырудың жазылу жағдайлары.

2. Хабарландырудың үлгілерімен жұмыс.

3. Хабарландырудың мәтіндерін жазу.

1. Қызметтік хаттың жазылу жағдайлары.

2. Қызметтік хаттардың үлгілерімен жұмыс.

3. Қызметтік хаттардың мәтіндерін құрастыру.

1. Реттеу құжаттарын ресімдеу мен құрастыру ерекшеліктері

2. Хаттама мәтінін оқып аудару.

3. Хаттама мәтінін құрастыру.

1. Ұйымдастыру құжаттарының түрлері.

2. Жарғы мәтінін оқып аудару.
4 Тақырып бойынша сұрақтар мен тапсырмалар
1-тақырып. Қазақстан Республикасындағы тіл туралы Қазақстан Республикасының негізгі заң актілері

1. Қазақстан Республикасы Конститутциясының қай баптарында мемлекеттік тіл туралы айтылған.

2. «Қазақстан Республикасындағы тіл туралы» Қазақстан Республикасының заңы қашан қабылданды?

3. «Қазақстан Республикасындағы тіл туралы» Қазақстан Республикасының заңының мазмұнын баяндап беріңіз.

1. Реквизит деген не?

2. Реквизит атауларын жатқа айтыңыз.

3. Өзіңіз тұратын қалада жұмыс істейтін ірі кәсіпорындардың атауларын, анықтамалық деректерін жазыңыз.

4. Мекемедегі лауазым иесіне арналған құжатқа адресат жазыңыз.

5. Төмендегі адресаттың қатесін табыңыз:

«Қазақстан Алюминийі» АҚ-ның бас маманы

Ахметовке А.

6. Студентке жазылатын мінездеме мәтін тақырыбын жазыңыз.
3-тақырып. Жеке адамдардың құжаттары: өмірбаян, резюме, қолхат, сенімхат

1. Өзіңіздің өмірбаяныңызды жазыңыз.

2. Жұмысқа қабылдайтын мекемеге резюмеңізді жазыңыз.

3. Біреуден бағалы зат алғаныңыз туралы қолхат жазыңыз.

4. Мекемеден құжат алғаныңыз туралы қолхат жазыңыз.

5. Басқа біреуге почта хабарларын алуды сеніп тапсыру туралы сенімхат жазыңыз.

1. Өзіңіздің болашақ мамандығыңыз сәйкес жұмысқа қабылдау туралы өтініш жазыңыз.

2. Оқу орнының бірінші басшысы атына академиялық демалыс сұрап немесе басқа оқу орнына ауыстыруға рұқсат сұрап өтініш жазыңыз.

3. Кез-келген мекеменің бірінші басшысының атына кезектен тыс еңбек демалысын беру туралы өтініш жазыңыз.

1. Кадрларды тіркеу жөніндегі жеке іс парағының үлгісімен танысыңыз.

2. Кадрларды тіркеу жөніндегі жеке іс парағын толтырыңыз.
6- тақырып. Мінездеме

1. Мінездеменің үлгілерімен танысыңыз.

2.Үлгілерде кездесетін жаңа сөздер мен сөз тіркестерін дәптеріңізге жазып алыңыз.

3. Мекеме қызметкеріне мінездеме жазыңыз.

1. Өз мамандығыңызға сәйкес жұмысқа қабылдау туралы жазған өтінішіңіздің негізінде бұйрық жазыңыз.

2. Кезектен тыс еңбек демалысын беру туралы өтініш негізінде бұйрық жазыңыз.
8-тақырып. Еңбек келісімдері

1. Еңбек келісімінің үлгісімен танысыңыз. Қажет сөздер мен сөз тіркестерін жазып алыңыз.

2. Еңбек келісімінің үлгісін орыс тіліне аударыңыз.
9-тақырып. Анықтамалық-ақпараттық құжаттар: анықтама

1. Анықтаманың үлгілерімен танысыңыз.

2. Жұмыс орнынан берілетін анықтама мәтінін жазыңыз.

3. Оқу орнынан берілетін анықтама мәтінін жазыңыз.

1. Мекеме басшысының атына орындалмаған жұмыс туралы баяндау хат жазыңыз.

2. Мекемедегі бір қызметкердің немесе бір бөлімнің атқармаған жұмысы туралы хабарлайтын баяндау хат жазыңыз.

11-тақырып. Түсініктеме

1. Жұмысқа кешігіп келуіңіздің себебі көрсетілген түсініктеме жазыңыз. Түсініктеменің мәтінінде кешігіп келген күніңіз, уақыты және себебі көрсетілсін.

2. Орындалмаған жұмыс туралы түсініктеме жазыңыз.
12-тақырып. Хабарландыру

1. Мекемеде болған мерекелік шара туралы хабарландыру

жазыңыз.

2. Мекемеде болатын жиналыс туралы хабарландыру жазыңыз.

3. Мекемеде жариялаған конкурс туралы хабарландыру мәтінін баспасөз құралдарынан тауып, оқып, аударыңыз.
13-тақырып. Қызметтік хаттар

1. Кәсіпорынның жеке және мемлекеттік кәсіпорындарға келісімді баға бойынша компьютерлер сататындары туралы ақпараттық хат мәтінін жазыңыз.

2. Басқа кәсіпорынның басшылығының атына кәсіпорынның шығаратын өнімі туралы толық мәлімет сұрап өтініш хат мәтінін жазыңыз.

3. Жеке тұлғаға мекеменің атынан қандай да бір жағдайға байланысты ескерту хат жазыңыз.

1. Хаттама мәтінін оқып аударыңыз

2. Хаттама мәтінін құрастырыңыз.
15-тақырып. Ұйымдастыру құжаттары. Жарғы. Ереже

1. Жарғының үлгісін оқып, аударыңыз.

2. Ереженің үлгісін оқып, аударыңыз.

Әдебиеттер
Негізгі

1 Алдашева А., Ахметжанова З., Қадашева Қ., Сүлейменова Э. Ресми іс қағаздары. – Астана, 2000. – 216 б.

2 Баймұқанова М. А. Мемлекеттік тілде іс жүргізу. – Павлодар, 2007. – 76 б.

3 Делопроизводство в Республике Казахстан / сост. : Скала В. И., Скала Б. В., Скала Н. В. – Алматы : ТОО «Издательство LEM», 2005. – 305 с.

4 Қазақстан Республикасындағы тіл туралы Қазақстан Республикасының негізгі заң актілері. – Астана : Елорда,

2002. – 180 б.

6 Дүйсенбекова Л. Іс қағаздарын қазақша жүргізу. – Алматы : Ана тілі, 2000. – 89 б.

7 Екі тілде іс жүргізу : сөздік-анықтамалық. – Алматы : Атамұра –Қазақстан, 1994. – 224 б.

8 Есімболова М. Қ. Мемлекеттік тілде іс қағаздарын жүргізу курсы (үлгілер) : оқу құралы. – Алматы, 2004. – 150 б.

9 Жахина Б., Құрманова А. Қ., Қайырбекова И. С. Мемлекетік тілде іс қағаздарын жүргізу курсы. – Көкшетау, 2003. – 120 б.

10 Кирсанов М. В., Аксенов Ю. М. Курс делопроизводства : Документационное обеспечение управления : учебное пособие. – 5-е изд. – М. : ИНФРА-М; Новосибирск : Сибирское соглашение, 2003. –320 с. (Серия «Высшее образование»).

11 Казахско-русский, русско-казахский терминологический словарь : делопроизводство и архивоведение. – Алматы : «Рауан», 2000. – 360 б.

А қосымшасы

(міндетті)

1977 жылы Павлодар қаласының №1 орта мектебіне бардым. 1982 жылы № 2 орта мектепке ауыстым. 1987 жылы осы мектепті бітіріп, сол жылы Павлодар индустриалдық институтына машина жасау факультетіне түстім. Институтты 1992 жылы машина жасау мамандығы бойынша бітірдім. 1992 – 1994 жылдары Алматы облысының Отар қаласындағы № 10007 әскери бөлімде әскери міндетімді атқардым, сержант атағым бар. 1994 – 1996 жылдары Павлодар трактор жасау заводында инженер болып жұмыс істедім. 1996 – 2000 жылдары «Арай» ЖШС-нда бағдарламашы болып жұмыс істедім.

Үйленгенмін. Әйелім, Жанар Жақыпқызы, «Қазақстан Алюминийі» АҚ-ында инженер болып жұмыс істейді. Ұлымыз, Дастан Қуатұлы, № 1 балалар бақшасына барады.

Мекен- жайым: Павлодар қ., Қамзин к., 1-үй, 2-пәтер.

Тел.: 00-00-00
01.01.2012 қолы / тегі /


Ә қосымшасы

(міндетті)

Мекен жайы : Қазақстан Республикасы, Павлодар қ., Қамзин к.,

Телефон /0000/ 00-00-00

Жалпы ақпарат: Туған жылы, айы, күні: 1970 жылғы қаңтардың 1-і

Ұлты: қазақ

Жынысы: ер

Отбасы жағдайы: үйленген

Азаматтығы: Қазақстан Республикасының

азаматы

Жұмыс тәжірибесі: 1996 – 2000 жылдар, «Асыл» ЖШС,

Білімі:

Орта: 1982 – 1992 жылдар, Павлодар қ. № 2 орта мектебі

1977 – 1982 жылдар, Павлодар қ. № 1 орта мектебі

Жоғары: 1992 – 1996 жылдар, Павлодар индустриалдық институты

Тілдерді білуі: қазақ тілі – ана тілі,

орыс тілі – жетік

ағылшын тілі – сөздіктің көмегімен

Компьютерді білуі: PC-Windows 95/2000

Жеке қасиеттері: жауапты, ұйымдастырушылық қабілеттері

Қосымша ақпараттар: еркін күрестен спорт шебері

Құштарлығы: әдеби кітаптар оқу
01.02.2012

Б қосымшасы

(міндетті)

1000 (мың) АҚШ долларын 2012 жылғы қыркүйектің 1-інде қайтаруға міндеттенемін.

Мемлекеттік нотариус қолы /тегі/

(міндетті)

С Е Н І М Х А Т

Мен, Болат Серікұлы, жеке куәлік № 00000 ҚР ІІМ 02.01.2010 жылы берілген, мекен жайым: Павлодар қ., Мир к., 1-үй, 2-пәтер, азамат Қайрат Мұратұлына, жеке куәлік №00013 ҚР ІІМ 01.01.2010 жылы берілген, мекен-жайы: Павлодар қ., Мир к., 2-үй, 1-пәтер,

С. Торайғыров атындағы Павлодар мемлекеттік университетінің кассасынан мамыр айының еңбекақысын алуды сеніп тапсырамын.

01.04.2012 қолы /тегі/

(міндетті)

Павлодар қаласының № 1 жалпы орта білім беру мектебінің

директоры А. Ахметовке

азамат Н. Оспановтан
Өтініш
Мені 2012 жылғы қарашаның 10-ынан қазақ тілі мен әдебиеті пәнінің мұғалімі ретінде жұмысқа қабылдауыңызды өтінемін.
01.11.2012 қолы /тегі/
Павлодар қаласының № 1 жалпы

орта білім беру мектебінің

директоры А. Ахметовке

мұғалім Н. Оспановтан

(міндетті)

2. Туған жылы, айы, күні 1975 жылғы ақпанның 24-і

3. Туған жері Павлодар облысы, Ақтоғай ауданы, Шолақсор ауылы

4. Ұлты қазақ

5. Білімі жоғары

Диплом бойынша мамандығы өндірістік және азаматтық құрылыс

Жоғары оқу орнының атауы, орналасқан жері С. Торайғыров атындағы Павлодар мемлекеттік университеті, Павлодар қ.

7. Қандай тілдерді білесіз қазақ, орыс, ағылшын тілдері

Қандай дәрежеде ана тілі, жетік, сөздіктің көмегімен

8. Ғылыми дәрежесі, ғылыми атағы жоқ

9. Ғылыми еңбектер мен өнертабыстары жоқ

10. Жұмыс істеген орны, лауазымы, жұмыс істеген жылдары «Аманат» ЖШС, экономист, 2010 – 2012 жылдар

11. Сайланбалы орындарға қатысуы жоқ

12. Мемлекеттік наградалары жоқ

13. Әскери қызметке қатысы әскери міндетті

14. Отбасы жағдайы үйленген

15. Мекенжайы: Павлодар қ., Мир к., 1-үй, 2-пәтер
01.02.1012 қолы / тегі/

Д қосымшасы

(міндетті)

А. Қ. Оспан 1970 жылғы ақпанның 1-інде Қазақстан Республикасы, Павлодар облысы, Баянауыл ауданы, Алға ауылында туған. Ұлты – қазақ. Қазақстан Республикасының азаматшасы. Білімі – жоғары. 1992 жылдан Павлодар қаласының № 122 жалпы орта білім беру мектебінің қазақ тілі мен әдебиеті пәндерінің мұғалімі.

А. Қ. Оспан 1992 – 1996 жылдары аталған мектепте жоғары сыныптарда қазақ тілі мен әдебиеті пәндерінің мұғалімі болып жұмыс істеді. 1996 – 1998 жылдары мектеп директорының тәрбие жұмыстары жөніндегі орынбасары болды. 1998 жылдан директордың оқу ісі жөніндегі орынбасары болып жұмыс істейді. Жоғары сыныптарға мамандығына сәйкес сабақ береді. Облыстық және қалалық білім беру басқармасы ұйымдастыратын әдістемелік семинарларда баяндамалар жасайды. Ашық сабақтарында үнемі дәстүрлі емес сабақ түрлерін көрсетіп, жаңашылдығын танытады. А. Қ. Оспанның оқушысы О. Омарқызы 2010 жылы Республикалық пәндік олимпиадада қазақ тілі пәні бойынша жүлделі бірінші орынды жеңіп алды. Оқушыларының бірнешеуі қазақ тілі мен әдебиеті мамандығы бойынша жоғары оқу орындарына түсті. 2009 жылы Алматы қаласындағы Ы. Алтынсарин атындағы Мұғалімдердің біліктілігін жетілдіру институтында біліктілігін жетілдірді. Бірнеше рет жұмыстағы жетістіктері үшін білім беру саласының үздік маманы болып танылды. Республикалық және облыстық баспасөзде білім беру саласына қатысты мақалалары жарияланды. А. Қ. Оспанның өз мамандығы бойынша кәсіптік шеберлігі жоғары.

А. Қ. Оспанның мінезі ашық, сабырлы. Ұжым мүшелерімен, оқушылармен тез тіл табысады, олардың арасында беделді де, сыйлы. Үлгілі отбасы анасы. Үш бала тәрбиелеуде. Қазақ және орыс тілдерін жетік меңгерген.

Мінездеме А. Қ. Оспанды Павлодар қаласының № 122 жалпы орта білім беру мектебінің директоры қызметіне ұсыну үшін берілді.
Павлодар қаласының білім беру

департаментінің бастығы қолы /тегі/

(міндетті)

«Тұлпар» АҚ

15.10.2012

А. Оспан 2012 жылғы қазанның 15-інен жоспарлау бөліміне бас маман қызметіне жұмысқа қабылдансын.

А. Оспанға штаттық кестеге сәйкес жүз мың теңге көлемінде еңбекақы тағайындалсын.

Негіздеме: А. Оспановтың өтініші

Бұйрықпен таныстым: қолы / тегі/

(міндетті)

№ 1 А Н Ы Қ Т А М А

1-үй, 2-пәтерде тұрады.

Отбасы құрамы: әйелі, Анар Оспанқызы Омар, 1971 жылы туған.

Ұлы, Әмір Саматұлы, 1998 жылы туған.

Анықтама талап етуші орынға көрсету үшін берілді.
«АЗАМАТ» ПИК төрағасы қолы /тегі/

И қосымшасы

(міндетті)

А. Оспанұлына

Сізге 2012 жылғы қаңтардың 15-інде сату бөлімінің маманы

Р. Омаров жұмысқа себепсіз шықпағанын хабарлаймын.

Тиісті шара қолдануыңызды сұраймын.

(міндетті)

№ 1 ЖЭО бастығы А. Т. Омарға

Әуежай әкімшілігінің анықтамасы қоса берілді.

Бағдарламашы қолы / тегі/

Қ қосымшасы

(міндетті)

Х А Б А Р Л А Н Д Ы Р У

Ертең, яғни 2012 жылғы қазанның 3-інде сағат 14.00-де

456-кабинетте бөлім бастықтарының жиналысы болады.

Күн тәртібінде:

1. 2012 жылдың бірінші жартысында атқарылған жұмыстардың есебін талқылау.

2. 2012 жылдың екінші жартысында атқарылатын жұмыстардың жоспарын бекіту.

3. Әртүрлі мәселелер.

Әкімшілік

Л қосымшасы

(міндетті)

Министрліктің атауы

Ұйымның атауы

Алқалық органның түрі мен атауы

№ 1 ХАТТАМА

01.02.2012

Төраға:

Хатшы:

Күн тәртібінде:

1. 2012 жылдың бірінші жартысында атқарылған жұмыстардың есебін бекіту. Баяндамашы – ақпарат бөлімінің бастығы А. Оспанов.

2. 2012 жылдың екінші жартысында атқарылатын жұмыстардың жоспарын бекіту. Баяндамашы – ақпарат бөлімінің бастығы

А. Оспанов.

3. Әртүрлі мәселелер

1. ТЫҢДАЛДЫ:

А. Оспанов

СӨЙЛЕГЕНДЕР:

А. Ахметов

О. Сұлтанова

ҚАБЫЛДАНҒАН ҚАУЛЫ:

1.

1.1
2. ТЫҢДАЛДЫ:

А. Оспанов

СӨЙЛЕГЕНДЕР:

А. Ахметов

О. Сұлтанова

ҚАБЫЛДАНҒАН ҚАУЛЫ:

1.

1.1
Төраға қолы /тегі/

Хатшы қолы /тегі/

жүктеу/скачать 316,58 Kb.

Достарыңызбен бөлісу: