Абсатарова дамира амировна
жүктеу/скачать 7,76 Mb. Pdf көрінісі
|
Диссертация.
|
Голден Делишес сорты. Еуропа, Америка, Қытай, Молдавия, Қырым және т.б елдерде кең тараған қыстық, америкалық сорт. Қазақстан аумағында жақсы жеміс салады және теңіз деңгейінен 1100-1400 м орналасқан Іле Алатауының орташа таулы аймағында жоғары сапалы жеміс береді. Ағаштың өсу күші орташа, тығыз отырғызуға мүмкіндік беретін сопақша бөрікбасы бар. Кеш гүлдейді, тозаңдатқыш ретінде Апорт, Іле, Кандиль-синап, Ренет Ландсбергский сорттарымен бірге отырғызуға болады. Пісу мерзімі жылдам сорт, 5-6 жылда жеміс салады. 6 жылдық жаста – 30-40 кг жеміс алуға болады. Жемістері ұзынша сопақтау, тегіс, 100-140 г орташа көлемді, ашық сары түсті. Жұмсағы ақ сары, шырынды, ұсақ түйіршікті, дәмі тәтті (4,5 балл). Үнемі жеміс салып тұрады. Орташа өнімділік бір ағаштан 30-40 кг-ды құрайды. Жемістер ағашта берік ілініп тұрады. Жылы қыс мезгілінде ағаштар қысқы құрғақшылықтан, әсіресе, көшеттік пен жас бақтарда қатты зақымданады. Жаз айы құрғақ болғанда жемістер ұсақтанады. Жемісті жинаудың күнтізбелік мерзімі – қырқуйек айының соңы. Сорт агротехникалық шараларға (тыңайтқыштар, суару, бұталау және т.б) жақсы бейімделген. Жеміс мамыр айына дейін жақсы сақталады [117]. Бұл тақырыптағы зерттеу жұмыстары Қазақстанда алғаш рет зерттеліп отырғандықтан, біз зерттеулерімізде көшеттіктердің барлық өсіру және қалыптастыру бөлімдерін және ондағы негізгі зиянкес бөжектерді қарастырдық. жүктеу/скачать 7,76 Mb. Достарыңызбен бөлісу:
|