Ақырет өткелдері
жүктеу/скачать 1,47 Mb. Pdf көрінісі
|
Ақырет-өткелдері
| Рух (жан) деген не?
Сонымен, рух дегеніміз не? Абдуллаһ ибн Аббастан (Аллаһ әкесі екеуіне разы болсын) риуаят етілген хадисте, құрайыштар Надр ибн Харис пен Уқба ибн Әбу Мутиғды мәдиналық яһудилердің дінбасыларына жіберіп: «Олардан Мұхаммед жайлы сұраңдар. Оларға оны сипаттап беріңдер және сөздерін жеткізіңдер. Өйткені олар – алғашқы кітап иелері, оларда бізде болмаған пайғамбарлар ілімі бар», – дейді. Сөйтіп, ол екеуі (жолға) шығып Мәдинаға келіп, яһудилердің дінбасыларынан Аллаһтың елшісі (с.а.с.) жайлы сұрайды. Оларға оның жөнін және кейбір сөздерін айтып береді де: «Сендер – Таурат иесісіңдер. Біз сендерге осы адамымыз жайлы хабар беру үшін келдік», – дейді. Олар: «Одан біз тапсырған үш нәрсе туралы сұраңдар. Егер ол сендерге ол (үшеуі) туралы айтып берсе, онда ол – жіберілген пайғамбар. Ал айта алмаса, бөсіп жүрген жай бір адам. Онда оның жөнін өздерің табарсыңдар. Сендер одан алдыңғы заманда өткен жас жігіттер, оларға не болғаны жайлы сұраңдар. Расында, оларға қатысты бір ғажап әңгіме бар. Және одан жердің шығысы мен батысына жетіп шарлаған бір адамның хабары туралы сұраңдар. Сондай-ақ одан |