Акушерлік қан кетулер. Жедел көмек көрсету. Мәселенің маңыздылығы

ҚОПУБА микрогематомалардан басталады, бірте-бірте гематомалар қосылып децидуальды тіннің базальды қабықшасын бұзады, ретроплацентарлық гематома түзіледі (плацента мен жатыр бұлшық ет қабатының арасында орналасады). Оның көлемі әртүрлі болуы мүмкін. Шыққан қан миометрийге сіңіп, висцеральды іш пердесіне, параметрийге өту мүмкін – Кувелер жатыры дамиды.

Клиникасы негізгі симптомдары – қан кету мен ауырсыну. Қан кету ішкі, сыртқы және аралас болуы мүмкін. Ол гематоманың орналасуына байланысты. Қан кету қою көкшіл түсті. Екініші негізгі белгісі – ауырсыну. Бастапқыда - ауырсыну плацента орналасқан жерде байқалады, содан кейін жатырдың қалған бөліктеріне ауысады.