Қалыптастырушы бағалауға арналған тапсырмалар жинағы Қазақ тілі мен әдебиеті

• Мәтіндегі тірек сөздерді анықтайды

• Автор көзқарасы бойынша негізгі ойды табады

Ойлау дағдыларының Қолдану

деңгейі
1-тапсырма

Мәтінді тыңдап, маңызды тірек сөздерді анықтаңыз.

Наурыз келді алақай!	Тірілтуге гүлдерді.
Кел билейік, балақай!	Сәнденеді аналар,
Біз де қарап тұрмайық,	Сәбилермен бірге енді.
Тойға шашу шашайық!	Наурыз келді, нұр келді,
Той думанға келіңіз,	Түгел аймақ түрленді.
Тамашалап көріңіз,	Наурыз келдi елiме,
Ән айтайық бәріміз,	Наурыз келдi жерiме.
Қол соғайық бәріміз!	Байлық, бақыт тiлеймiн,
Наурыз тойы – елдің тойы,	Бүкiл қазақ елiне.
Көктем тойы – төлдің тойы.	Жылдың басы Наурыз,
Ән айтатын күні бойы	Жердің басы Наурыз.
Жақсы көрем Наурыз тойын!	Мерекеге арналсын
Наурыз келді – жыл келді,	Бүгінгі жыр-әніміз.

2-тапсырма

Автордың көңіл күйін анықтап, сұлбаға толтырыңыз.

Дескриптор Білім алушы

• 
  мәтіндегі тірек сөздерді анықтайды;
  
• 
  автордың түрлі көңіл күйін анықтап жазады.
  

54

Оқу мақсаты

8.2.2.1 - түрлі жанрдағы көркем мәтіндерге сүйене отырып, көңіл күйді білдіруде ұлттық сөз әдебі мен сөйлеу этикеті формаларын қолдана білу

Бағалау критерийі

Білім алушы

• Мәтіндердегі ақпараттар мен ұлттық сөз әдебі және сөйлеу

этикеті формаларын ауызша мәтін құрауда қолданады

Қолдану

Ойлау дағдыларының

деңгейі
Тапсырма

Наурыз мейрамы туралы топта көрініс дайындаңыз. Ұлттық сөз әдебі мен сөйлеу этикеті формаларын қолданыңыз.

1, 2-топ

Дәстүрлі қазақ қоғамында Ұлыс күні жыл басы саналған . Халықтың мифологиялық түсінігі бойынша 21 наурыз түні даланы Қыдыр аралайды. Ұлыс күні қазақ елі үшін әрқашан қасиетті, киелі саналған. Халық таза, жаңа киімдерін киген. Ауылдың ер адамдары бір-бірімен қос қолдасып, төс қағыстырады; әйелдер құшақтасып, бір-біріне игі тілектер айтады. Бірін-бірі мерекеге арнап дайындалған наурыз көже ішуге шақырады. Оған қойдың басы мен сүр ет салып пісірілуі – қыс тағамымен (етпен) қоштасуды, құрамына ақтың қосылуы – жаз тағамымен (сүт, ақ) қауышуды білдіреді. Әдетте, осы күні адамдар арам пиғыл, пендешілік атаулыдан тазарып, ар-ожданы алдында арылады. Алтыбақан басында ән айтылып, күй тартылады. Дәстүрлі ұлттық ойындар (көкпар, аударыспақ, күрес, қыз қуу, алтыбақан, тең көтеру, т.б.) ойналады. Таң ата көпшілік биік төбенің басына шығып, атқан таңды қарсы алады.

3, 4-топ

Ұлыс оң болсын,

Ақ мол болсын,

Қайда барсаң да жол болсын!

Ұлыс бақты болсын,

Төрт түлік ақты болсын!

Ұлыс береке берсін,

Бәле-жала жерге енсін!

Ұлы халқым тоқ болсын,

Көйлектерің көк болсын!

Қайғы-уайым жоқ болсын,

Қуаныштарың көп болсын!

Дескриптор Білім алушы

• 
  мәтіндегі ақпараттардың көмегімен шағын көрініс дайындайды;
  
• 
  көріністе ұлттық сөз әдебі (сәлемдесу, тілек айту) мен сөйлеу этикеті формаларын қолданады.
  

55

Оқу мақсаты

8.3.6.1 - тақырып бойынша бірнеше мәтінде көтерілген мәселелерді салыстыра отырып, баға беру

жүктеу/скачать 468,29 Kb.

Достарыңызбен бөлісу: