Алтын Орда хандары

Орта ғасырлық араб, парсы тарихшылары деректерiне сүйенген Тизенгаузенге сiлтеме жасай отырып, Салих Закиров өзiнiң «Алтын Орданың Египетпен дипломатиялық қатынастары» еңбегiнде төмендегi мәлiметтердi келтiредi: Мөңке Темiр өзiнiң алдындағы Бату, Берке хандар сияқты Алтын Орда тарихында атақты тұлға бола алмаса да, елдiң оңтүстiк, оңтүстiк-батыс шекараларында Беркенiң бастаған iсiн одан әрi жалғастырды. Хижраның 666 жылы (1267/68 жылдары) Бейбарыс өзiнiң елшiсiмен жiберген хатында Беркенiң қайтыс болуына байланысты көңiл айтып, Мөңке Темiрдi хан тағына отыруымен құттықтаған. Сонымен бiрге Хұлағу (бұл кезде оның орнында баласы Абақ) әскерiмен соғысты жалғастыру жөнiнде өтiнiш еткен. Кавказдағы ұрыс еселенген күшпен жүрiп жатты. Египетпен арада елшi алмасу жұмысы да бұрынғысынан кемiген жоқ. Араб, парсы тарихшылары Шафи ибн Али, ал-Айни, ибн