Реактивтер және құрал-жабдықтар: 0,01н күміс нитраты және 0,01н калий йодиді ерітінділері, пробиркалар.
Пробиркаға 3 – 4 мл калий йодидінің ерітіндісін құйып үстіне 0,5мл күміс нитраты ерітіндісін тамызып араластыру. Нәтижесінде сарғыш-жасыл күміс йодидінің золі түзледі.
AgNO3 + KI = AgI + KNO3 Қорытынды: Реакция теңдеуін толық және қысқаша иондық түрде жазыңыз. Алынған күміс йодидінің золі мицелласының құрылысын жазып, зарядын анықтаңыз.
Д тәжірибесі.Берлин лазурінің золін алу Реактивтер және құрал-жабдықтар: 0,1%-ті калий гексацианоферраты (II) K4[Fe(CN)6], 2%-ті темір (III) хлориді FeCL3, 2%-ті қымыздық қышқылы H2C2O4 ерітінділері, дистилденген су, фильтр қағазы, пробиркалар, сүзгіш, стакан, шыны таяқшасы.
Жұмыс барысы: Пробиркаға 3–4 мл калий гексацианоферраты ерітіндісін құйып үстіне 1–2 тамшы темір хлориді ерітіндісін тамызады. Нәтижесінде көкшіл-жасыл берлин лазурінің золі түзледі.
3K4[Fe(CN)6] + 4FeCl3 = Fe4[Fe(CN)6]3 + 12KCl
Түзілген тұнбаны сүзіп, дистелденген сумен шайып, стаканға құйылған дистелденген суға салу, үстіне 2–3 мл қымыздық қышқылын құйып шыны таяқшамен араластырады. Қышқыл қосқан соң көк түсті берлин лазурінің гидрозолі алынады.
Қорытынды: Реакция теңдеуін толық және қысқаша иондық түрде жазыңыз. Алынған берлин лазурінің золі мицелласының құрылысын жазып, зарядын анықтаңыз.
