Өзін-өзі бақылау сұрақтары:
Өнімді өткізудің мәні
Тарату арналары және оның қызметтері
Делдалдарды таңдау.
Ұсынылатын әдебиеттер тізімі:
1. Есімжанова Г.К. Маркетинг негіздері.Алматы., 2005
2. Тойкин С.Х. және басқ. Маркетинг негіздері. Алматы., 2005
3. Сатыбалдыұлы С. Маркетинг және менеджмент негіздері. – Астана: Фолиат, 2011. – 319 б
Тақырып 8. Маркетингілік жоспарлау және бақылау
Стратегиялық жоспарлаудың мәні және түсінігі.
Стратегиялық маркетингті құрастыру үлгілері
Маркетингілік жоспарлау
Маркетингілік басқару
Көптеген фирмалар көп жылдарға арналған жоспарсыз жұмыс істейді. Ал шындығына келетін болсақ тәжірибе көрсетіп отырғанындай келешекке арналған жоспарлау көптеген жесіс береді. Стратегиялық жоспарлау фирманың мақсаты мен әлуетті мүмкіндіктері арасындағы стратегиялық сәйкестікті келтіруді және оны қолдауды басқару үшін жүргізіледі. Стратегиялық жоспарлау:
Ұйым жұмысының бағытын анықтауға және маркетинг зерттеулері құрылымын, тұтынушыларды зерттеу және өнімді жоспарлау үдерісін жақсы игеруге мүмкіндік береді;
Фирманың жалпы мақсаты мен оның бөлімшелерінің міндеттерін дұрыс үйлестіруді қамтамасыз етеді;
Фирманың және бәсекелестердің мықты және әлсіз жақтарын бағалауға мүмкіндік береді;
Қолдана алатын баламалы әрекеттерді анықтауға жағдай жасайды;
Фирма қорларын дұрыс бөліп пайдалануға негіз жасайды.
Ғалымдар мен арнайы кеңесші компаниялар стратегиялық жоспарлауда қолданылатын неше түрлі тиімді стратегияларын ұсынған. Бұл үлгілерді қолдана отырып фирма өзінің мүмкіндіктерін, тауарын және әрекетін бағалай алады. Бұл үлгіде нарық пен тауарды жаңартуға байланысты стратегиялары жасалынады. Үлгіні американдық ғалым и. Ансофф ұсынған. Оған «тауар-нарық» қалыптамасы деген ат қойылған еді.
«Бостон консалтинг тобы» қалыптамасын АҚШ-та Массачусетс штатындағы Бостон қаласындағы кеңес беруші тобы ұсынған. Бұл қалыптамасы тауар көлемін нарық үлесі мен маланың өсу қарқынына сәйкес белгілеуді ұсынады. Қалыптама негізінде қандай тауардың бәсекелестрдікіне қарағанда артықшылығы бар екенін және нарық серпінін анықтауға болады.
«Жұлдыздар»
|
«Тентек балалар»
|
«Сауынды сиыр»
|
«Қуылатын иттер»
|
Бұл Бостон консалтинг тобы қалыптамасы
Маркетинг мақсатына жету үшін маркетинг іс-әрекеттердің барысы бақылануы керек. Маркетингті бақылаудың 3 негізгі түрі анықталған. Олар мыналар:
жылдық жоспардың орындалуын бақылау
пайда деңгейін бақылау
стратегиялық бақылау
Жылдық жоспардың орындалуын бақылау фирманың жылдық нәтижелері жоспармен салыстырылады. Пайда деңгейін бақылау 3 сатыға сәйкес жүргізіледі:
Маркетинг іс-әрекетін жүргізу үшін қажет шығындарды анықтау
Маркетинг іс-әрекеттерін жүргізу үшін бөлінген шығындармен оның құрамдас бөлшектерінің байланысын анықтау.
Маркетинг іс-әрекеттерінің әр бөлігінің пайдалы немесе шығынды деңгей есептерін жүргізу.
Фирмалар әрдайым маркетинг іс-әрекеттерінің тиімділігін зерттеулері қажет.
Достарыңызбен бөлісу: |
