Зондтар- әртүрлі болады. Жүлгелі зонд-қан тамырларын және жүйкелерді жауып тұрған фасцияларды кесуге ыңғайлы.
Түйме тәрізді зонд-жараны зерттеу үшін арналған. Осы екі қызметті бірлестірген жүлгелі-түйме тәрізді зонды құрастырылып жатыр. Кохер зонды- тіндерді соқыр ажырату үшін арналған. Бауырлық зонд.
Бауырлық қалақша Буяльсий қалақшасы және Фолькман қалақшасы патологиялық бөліністерді, артық гранульяциялық тіндерді алып тастауға, сонымен қатар, қуысты және жыланкөз жолдарын қырнауға арналған.
Милық шпатель- екі жағында немесе бір жағында қуысы бар жұқа пластинка. Гематоманы алып тастуға арналған. Ретрактор (тартқыш) – аяқ- қолдардың ампутациясы кезінде жұмсақ тіндерді тартып тұруға қолданылады.Сүйек көтергіштер немесе леваторлар- сүйек сынықтарының бүтіндігін қалыптастыру үшін қажет.
Кілттер мен скобалар (доға) жиынтығы ЦИТО қаңқалық тартуға арналған, спицалар.Оның бір кілті доғаның гайкасын бұрау үшін қолданса, екінші кілті сым тарту үшін қажет.
Бұрағыштар, жалпақеріндер, бүйірінен кескіштер- сүйектермен жұмыс жасағанда қажет.
1.5 Тіндерді байланыстыратын құралдар Операциялық жараны толық немесе жартылай толық тігумен аяқталатын әрбір операцияның барлығында қолданады.
Хирургиялық инелер-радиусы бойынша тігінен иілген, күрт иілген немесе аз иілген және тік инелер кеңінен таралған. Беткей тігіс салу үшін кіші иінді инелер, ал терең тігіс салу үшін үлкен иінді, яғни жарты шеңбер тәрізді ине қолданылады. Ұшының түріне қарай үшкір, доғалдау (ішектік) және доғал (бауырлық) болып бөлінеді. Стержньнің тесу түріне қарай үшжақты немесе кесетін, тесетін немесе домалақ және арнайы болады.
Атравматикалық инелер-бір реттік құлақшасы болмайтын (жіп инеге кіріп тұрады) инелер.
Ине ұстағыштар- инені бекіту үшін қажет. Ине ұстағыштардың түрлері көп. Гегардың ине ұстағышы мен бір ғана ұзын басы бар тамырлық тігіске арналған ине ұстағышы кеңінен таралған.
11- сурет. Ине ұстағыштардың жиынтығы: ұстағышы иілген ине ұстағыш (Матье), 2- Троянов ине ұстағышы,3-дөңгелек ұстағышы бар тік ине ұстағыш (Хегар):
а-хирургиялық кескіш иненің көлденең кесу, б–хирургиялық дөңгелек иненің көлденең кесу, в- хирургиялық иненің құлақшасы
