1. Аудиторлық фирмалардағы аудиторлардың жұмысын ұйымдастыру Бухгалтерлік есептің негізінің дұрыс ұйымдастырылып, қаржылық қорытынды есеп мәліметтерінің сенімді ақпарат көздеріне айналуына, заңдар мен нормативтік актілердің талаптарының сақталуына дербес тәуелсіз тексеру жүргізіп, дер кезінде көмек көрсетіп шаруашылықтың берген тапсырмасын қанағаттандырудың құралы – аудиторлық қызметтің нарықты экономикада, қоғамда алатын орны, атқаратын рөлі және маңызы өте зор.
Тексеру жүргізу әдестемесін, яғни нені және қалай тексеретіндігін аудитордың өзі таңдауға құқықты. Клиент аудиторларға жұмыстардың арнайы бір түрлерін орындауды, мысалы, корпоративтік табыс салығын есептеудің дұрыстығын тексеруді немесе тауарлы-материалдық босалқылар есебіне аудит жүргізуді тапсыруы мүмкін. Бірақ, клиенттің осындай арнайы тапсырмалардың нәтижелері бойынша жалпы қаржылық қорытынды есепті күтуі дұрыс емес.
Аудитордың өз клиентіне қосымша қызметтер көрсетуіне, мысалы, аудит жүргізу процесінде қосымша төлем жасалынған жағдайда салық және басқару мәселелері бойынша кеңес беруіне тыйым салынбайды. Тек дайындау үшін клиентке өзі көмек берген немесе оны құру үшін бухгалтерлік есепті аудитор қалпына келтірген қаржылық қорытынды есепті тексеруге жол бермейді.
Қазақстанда аудит осы мемлекетте қабылданған стандарттар мен принциптерге сәйкес болса ғана сапалы аудит ретінде танылады.
Әрбір аудиторлық фирма өзінің ұйымдық құрылымын өз бетінше анықтайды.
