Облыстық бюджет, республикалық маңызы бар қала, астана бюджеттері – Кодексте айқындалған түсімдер есебінен қалыптасатын және облыстық деңгейдегі жергілікті мелекеттік органдардың республикалық маңызы бар қаланың, астананың, оларға ведомстволық бағыныштағы мемлекеттік мекемелердің міндеттері мен функцияларын қаржылық қамтамасыз етуге және мемлекеттік саясатты іске асыруға арналған орталықтандырылған ақшалай қоры. Бұл бюджеттер тиісінше облыстық мәслихаттардың, республикалық маңызы бар қала, астана мәслихаттарының шешімдерімен бекітіледі.
Аудан (облыстық маңызы бар қала) бюджеті де, Кодексте айқындалған түсімдер есебінен қалыптасатын және облыстық деңгейдегі, республикалық маңызы бар қаланың, астананың жергілікті мемлекеттік органдардың, оларға ведомстволық мекемелердің міндеттері мен функцияларын қаржылық қамтамасыз етуге және мемлекеттік саясатты іске асыруға арналған орталықтандырылған ақшалай қоры болып табылды. Бұл бюджет аудан (облыстық маңызы бар қала) мәслихатының шешімімен бекітіледі.
