Жарықтағыштың оптикалық схемасы (3-сурет) Схемада І-ші вольфрам сымды қызу лампасы. Лампадан шыққан сәуле (2-2) жазық айналардан шағылып, (3-3) конденсорлардың алдына шашыратқыштар (4-4) қойылады.
Визуальдік (көзбен қарап) бақылау кезінде ақ түсті шашыратқыш, ал түсті фильтрлер қолданғанда күңгірт шашыратқыш қойылады.
Құралдың электр схемасы Жарық көзі ретінде 8в. 35вт. қыздыру лампасы (ЛН) қолданылады. Фотоэлектрлік әдіс қолданған кезде стабильді ток керек болады. Жалпы стабильді токты қоректендіру құралы береді. Визуальдік әдіспен жұмыс жұмыс істелгенде де жарық қабылдағыш құралдың міндетін сурьма – цезий фотоэлементтері атқарады. Ток осы құралдан алынады. Фотоэлементтің тогын күшейтетін күшейткіш ретінде 6Н8С лампа қолданылады. 6Н8С лампаның аноды және фотоэлементтер екі 5Ц5С лампалардан құралған екі жарты периодты түзеткіштерден қоректенеді. Фотоэлементтердегі токтардың айырымы күшейткіштен өтіп гальвонометрге беріледі. Бұл токтарды теңеру үшін жұмыс басталудан бұрын гальвонометр нольге қойылуға тиіс. Ол үшін R7 кедергінің жылжытқыш тұтқышы қолданылады. Схеманың сезгіштігі гальвонометр тізбегіне орнатылған кедергі арқылы өзгертіледі.
Визуальдік әдіспен жұмыс істелген кезде барлық күшейту схемасы П1 переключатель арқылы тізбектен шығарылады.
