Дені. дені - қарны. Шүкір, Жұмеке, шүкір ... Көпей бәйбішенің дені - қарны сау ма? (Ғ. Мүсірепов). Бұл сөз парсының тән — «дене» деген сөзінен өзгеріліңкіреп алынған. Денің сау ма? дегенде де қолданылады; мұны денің сау ма? десек, басқа мағына шығады. Қазақ тілінде дене сөзімен мағыналас тән деген сөз бар. Тән, дене, дені мағына жағынан қазіргі кезде бір шама дифференцияланып бара жатыр. Жан - тәндегендегі тән- ді басқаша айтуға болмайды; дене шынықтыру деудің орнына тән шынықтыру деп айтпаймыз. Сол сықылды дені - қарның сау ма? («денің сау ма?») деудің орнына тән - қарның немесе дене - қарның ... деуге болмайды. (І. К.)
