Акциз - тауардың бағасына енгізілген және сатып алушы төлейтін жалпы мемлекеттік жанама салық.
Ақша - тауарлар мен көрсетілетін қызметтердің өлшемі болып табылатын, жалпыға бірдей балама ролін атқаратын ,кез-келген тауарлар мен көрсетілетін қызметтерге айырбасталатын ерекше тауар.
Ақша-несие саясаты - экономиканың тұрақты дамуын ақша айналымы мен несие нарығын реттеу арқылы қамтамасыз етуге бағытталған шаралар жиынтығы.
«Арзан ақша» саясаты - айналымдағы ақша массасын арттыру саясаты.
«Қымбат ақша» саясаты - елдегі ақша массасының өсуін қысқарту немесе шектеу. Автаркия ұлттың өзін өзі экономикалық жағынан қамтамасыз етуіне және елдің экономикасы басқа елдердің экономикасынан дербес болуына арналған саясат.
Адами капитал - инвестициялардың нәтижесінде қалыптасқан қоғамдық ұдайы өндірістің осы немесе басқа сфересында мақсатты түпкі пайдаланылатын, адамның жинақталған денсаулығының, білімінің, дағдыларының, қабілеттерінің, млтивацияларының белгілі қоры, еңбек өнімділігін және өндірістің тиімділігін өсіруге ат салысады, сөйтіп осы адамның табыстарының өсуіне көмектеседі.
