Ұжымдағы статустар мен рөлдер Сынып жетекшісінің ұжымды құруда, олардың сапалы білім мен саналы
тәртібін қамтамасыз етуде рөлі өте зор. Саналы тәртіп болмаған жерде сапалы
білім алуға болмайды. Бұлар бір-бірімен өзара тығыз байланысты болып келеді.
Саналы тәртіп – мақсатты тәртіп. Ол қоғамның мақсатымен ұштасады. Саналы
тәртіпке тән сипат – өз мақсатын қоғам мақсатына, жеке бастың мүддесін
ұжымның мүддесіне бағындыра білу.
Оқушыларды саналы тәртіпке тәрбиелеудегі негізгі міндет – білім алу мен
оқу әрекетінің сапасын үнемі арттырып отыру.
Сынып жетекшісінің шеберлігі дегеніміз – ұжымның алдына қызықты
мақсат қойып, ұжымдық іске ұйытқы бола білуінде әрі оны ұйымдастырудағы
білімі мен қабілеті.
Оқушылардың оқу-тәрбие процесіндегі іс-әрекеттерін жандандыруда
сынып жетекшісі белсенділер тобына арқа сүйейді. Сынып белсенділері бір
жағдайда үлгілі оқушылар болса, екінші жағдайда қоғамдық тапсырмаларды
атқара алатын қабілетті балалар тобы. Олар – ұжымның ұйытқысы. Сынып
белсенділері неғұрлым күшті болса, сынып жетекшісіне тәрбие жұмысын
ұйымдастыруда соғұрлым жеңіл болады.
153
Осыдан тәрбие тұлғаға ықпал жасаушы құрылымдардың өзара
қатынастарымен бірлікте қарастырылады (47-сурет).
