2.4. Бастауыш сыныптарда ертегілерді жаңа технологиялар арқылы оқыту тиімді жолдары Ертегілермен жұмыс – бұл үйрету, тәрбиелеу, дамыту, тіпті сауықтыру сипатына ие (қиын балалармен түзету жұмыстарын жүргізуде ертегілерді қолдану). Бастауыш сыныптарда ертегілермен жұмыс үнемі жүргізіледі, балалардың ойлау қабілеті мен әдеби түсініктерін кеңейтеді. Балалардың ертегілер кейіпкерлерімен кездесуі оларды бей-жай қалдырмайды. Кейіпкерге қиын жағдайда көмектескісі келуі, ертегідегі жағдайды түсіну – мұның бәрі баланың ақыл-ой белсенділігін ынталандырады, оқуға деген қызығушылығын, байқампаздығын, қиялдауын, есте сақтау қабілетін дамытады, сонымен қатар оқушыға бағалау терминологиясын игеруге, әдеттен тыс нәрселерді көруге мүмкіндік береді. Ертегімен жұмыстану белгілі бір алгоритмге сәйкес, яғни мұғалім-оқушы өзара қарым-қатынасының тұрақты тәртібі арқылы жүзеге асырылады. Алға қойған мақсат пен міндеттерге байланысты мұғалім жұмысты әр түрлі әдіс-тәсілдермен ұйымдастыра болады.
