Ертегіні оқытуда қолданылатын педагогикалық технологиялар 1) Проблемалық-интерактивті технологияларды ұстаздар әдебиеттік оқу сабақтарында жақсы қолданады. Олар жұмысты жұппен ұйымдастыруға көмектеседі (ертегінің мәтіні бойынша сұрақтар құрастырады, ертегінің ең көңілді тұсын анықтайды, Алдар көсе мен байдың әңгімесін мәнерлеп оқуды дайындайды). Диалогтік технологиялар топтық жұмыста да нәтижелі қолданылады (ертегі сценарийін жазу, сынып оқушыларына ертегі рөлдерін тарату). [20]
2) Сыни тұрғыдан ойлау технологиясы оқушылардың талдау, салыстыру қабілетін дамытуға бағытталған. Кейіпкерді сипаттау, ертегілерге сәйкес кластерлер мен кестелерді толтыру, парталас көршісі мінез-құлқына немесе сыртқы түріне сипаттама беруі арқылы жасырылған ертегі кейіпкерін табу.
3) АКТ – ақпараттық-коммуникациялық технологиялар барлық білім беру пәндері үшін әмбебап қолданылады. Бұл технологиямен жұмыстану барысында сабақта компьютерлік презентацияны қолдануға ерекше рөл беріледі. Ол бірқатар функцияларды орындайды: ақпаратты экранда тез және жинақы көрсетеді; оқушылардың танымдық белсенділігін дамытады және оқуға деген ынтасын арттырады; слайд негізінде өзін-өзі бақылау және өзін-өзі бағалауды ұйымдастырады
