Баланы ойын іс-әрекетінде дамыту
Мақсаты: белсенді тұлғаны қалыптастыру, балалардың алғашқы ойын бірлестіктерінің тәжірибесін жинақтау, басқа балалармен қатар және олармен бірге ойнай білуін дамыту.
«Баланы ойын іс-әрекетінде дамыту» тарауының мазмұнына мыналар кіреді: сюжеттік-рөлдік ойындар; қимыл-қозғалыс ойындары; дидактикалық ойындар.
Баланы ойын іс-әрекетінде дамыту бойынша материалды игеру нәтижесінде, жыл соңында балалар мыналарды меңгеруі тиіс:
- сюжеттік-рөлдік ойында күрделі емес сюжетті ойластыру, рөлді таңдау, құрдастарымен бірге оны біріккен ойында орындау, ойында бірнеше өзара байланысты іс-әрекеттерді орындау;
- ойында табиғи және құрылыс материалдарын пайдалану;
- қимыл-қозғалыс ойындарында қимылды үйлестіру, кеңістікте бағдарлану;
- қарапайым ережелерді, ойын іс-әрекеттерін орындау: тәрбиешінің белгі беруі арқылы іс-әрекетті бір мезгілде бастау және аяқтау, кезектесіп әрекет жасау.
Достарыңызбен бөлісу: |
