«Әлеуметтік орта» білім беру саласы бойынша білім мазмұнын игеру нәтижесінде, жыл соңында балалар мыналарды меңгеруі тиіс:
- әр баланың отбасы, ата-анасы бар екенін; ата-анасы балаларын жақсы көретінін, оларға қамқорлық жасайтынын түсіну;
- жақын адамдары мен айналадағы адамдар туралы қарапайым қамқорлық көрсету;
- құрдастарымен біріккен іс-әрекетке қатысу; өз іс-әрекетімен басқаларға кедергі жасамай ойынға қосылу; қарапайым нормалар мен мінез-құлық ережелерін білу;
- адамдардың қатынасындағы «жақсы» деген немесе «жаман» деген не екенін түсіну;
- басқа балалардың тілектерімен санасу, олардың эмоционалды күйлерінің өзгеруін байқай білу;
- ересектермен бірге еңбек іс- әрекеттерін орындау;
- үлкендерге құрмет көрсету;
- ертегі, әңгімелер, өлең тыңдау, әрекеттердің дамуын қадағалау;
- әдеби кейіпкерлерінің мінез-құлықтарын талдау, олардың кемшіліктерін ғана емес, сондай-ақ артықшылықтарын да байқау;
- әдеби кейіпкердің мінез-құлқына деген өз қатынасын әңгімелеу;
- бір-бірімен сыпайы түрде әңгімелесу;
- күнделікті өмірде «сыпайы сөздерді» пайдалану;
- сұқбаттас болу, түрлі тақырыптарда әңгімелесу;
- ересектерді өз аты және әкесінің атымен атау;
- ересектермен және құрдастарымен сәлемдесу және қоштасу, көмектескені үшін алғыс білдіру; ересектер мен құрдастарына өтініш білдіру.
Достарыңызбен бөлісу: |
