1. «Әйел қолөнеріне байланысты атаулардың этнолингвистикалық сипаты» деп аталатын бірінші тарау әйел қолөнеріне байланысты атауларды зерттеудің теориялық мәселелерін шолуға, атаулардың этномәдени мазмұнын ашып, этнолингвистикалық талдау жасауға арналады.
1.1. Әйел қолөнеріне байланысты атауларды зерттеудің этномәдени негізі. Тіліміздегі этнографизмдер дегеніміз – этнографиялық заттар мен құбылыстардың атауы. Этнографизмдерді зерттейтін сала тіл білімінде этнолингвистика деп аталады. Этнолингвистиканың негізгі мақсаты –өткен тұрмыстағы халық тәжірибесінен туған ұлттық болмысымызды, күнделікті тұрмыс-тіршілігіне байланысты қалыптасқан этномәдени ұғымдарды зерттеу. Осы бағыттағы зерттеулер жүргізген ғалымдар (Ә. Қайдар, М. М. Копыленко,
Е. Жанпейісов, т.б.). Тілімізде сақталып қалған көптеген халықтық атаулар мен көнерген сөздердің астарында этнографиялық мән, этнофразеологизмдер жататындығын Р. Сыздық, Н. Уәли, Г. Смағұлова сияқты ғалымдар өз тұжырымдарында келтіреді.
1.2. «Әйел қолөнерінде байланысты атаулардың лексика-семантикалық, тақырыптық топтарының этномәдени мазмұны» атты екінші тараушада әйел қолөнерінде қандай материалдар, құрал-саймандар қолданылғандығына, оларды технологиялық өңдеу тәсілдеріне қатысты және түрлі зат, бұйым атауларына жеке-жеке этнолингвистикалық сипаттама беріледі.
Достарыңызбен бөлісу: |
