Қазақстан Республикасы Білім жəне ғылым министрлігі
Кабельдерді эпоксидті муфталарда жалғау
жүктеу/скачать 7,97 Mb.
|
монтаж
Кабельдерді эпоксидті муфталарда жалғауКернеуі 10 кВ дейінгі кабельдерді қосу үшін эпоксидті компаундан жасалған муфталар кеңінен қолданылады (79 сурет). Эпоксидті компаунд жоғары желімдеуші қасиеттерге ие, жақсы диэлектрик болып табылады, арнайы қатайтқышты қосу кезінде болатын қатаюдан кейін, беріктікке, ылғалдылыққа, майлар мен басқа да химиялық заттарға төзімділікке ие болады. 79 сурет. Эпоксидті муфталар Эпоксидті жалғау муфтасын монтаждауды кабельдердің ұштарын сатылы бөлуден, олардың желілерін қосудан жəне жерге қосу өткізгішінің дəнекерлеуінен бастайды. Талсымның жалаңаш учаскелері мен олардың қосылу орындары буланады жəне жабысқақ поливинилхлоридті таспамен оқшаулайды (ораманы конус түрінде жасайды). Сымдар арасында майсыздандырылған (бензинмен, ацетонмен жəне т.б.) жəне болат щеткамен немесе зімпара қағазбен өңделген кергіш эпоксидті пластиналар салынады. 1000 В жоғары кернеуге есептелген муфталарда екі кергіш (қосқыш гильзаның екі жағы бойынша), 1000 В дейін — біреуі ортада орнатылады. Муфтаның мойнының астына эпоксидпен сіңдірілген мақта-мата таспадан нығыздалған орауыш жасайды. Муфтаның ішкі беті, сондай-ақ екі жартылай муфтаның жанасатын беттері майсыздандырылады, тазартылады, эпоксидпен майланады, содан кейін жартылай муфталарды көлденең жағдайда кабельге қосады жəне бекітеді. Алмалы-салмалы металл пішінді пайдаланған кезде оның ішкі беті эпоксидті қабырғаларға құймауы үшін техникалық вазелинмен тығыз майлайды. Муфтаны құюға арналған компаунд тікелей қолданар алдында дайындалады; мұқият араластырады (түбіне жиналған кварц толтырғыштың барлық көлемі бойынша бөлінуі үшін), содан кейін қатайтқыш қосады. Қайта араластырғаннан кейін құрамы баяу (муфтада оқшаулаудың диэлектрлік қасиеттерін төмендететін ауа көпіршіктері пайда болмау үшін) муфтаның ішкі қуысына құйылады. Эпоксидті шағын биіктіктен ені 10..15 мм үздіксіз ағыс түрінде құйған жөн, бұл ағыс науа бойлай муфтаның қабырғасына бағытталу тиіс. Муфтаның сапасы көп жағдайда құю кезінде қоршаған ортаның температурасына байланысты. Қалыпты температура + 10...+ 20°С. Жоғары температураларда (+25°С жоғары) эпоксидті сұйып кетеді жəне қату барысында, өзінің массасында қуыстар мен тесіктерді пайда болуы ықтимал, сондықтан мұндай жағдайларда қатайтқыш қоспасынан кейін белгілі бір уақытқа дейін (15...20 мин) ұстам жасалады. Осы уақыт ішінде компаунд тұтқыр болады, бұл жоғары сапалы құюды қамтамасыз етеді. Қатаю уақыты қоршаған ортаның температурасына байланысты жəне +20°С кезінде шамамен 12 сағ. Төмен температураларда қатаю бірнеше тəулікке созылуы мүмкін, сондықтан оны жылдамдату үшін +5°С жəне одан төмен температурада ГИИВ – 1 типті пропан – бутан жанарғыларымен ауаны жылытады [5]. жүктеу/скачать 7,97 Mb. Достарыңызбен бөлісу:
|