34
Тақырып №9
Еңбек қатынастарын құжаттау. Өтініш.
Өтініш - ресми түрде баяндалған, мекеме басшысының
атына жазылып, белгілі бір тілек-өтінішті білдіретін құжат.
Өтініштің құрылымы:
мекеменің
толық аты;
басшының
қызметі-атағы,
аты-жөні,
мекен-жайы,
телефоны;
құжаттың аты;
мәтіні;
жазылған мерзімі;
өтініш иесінің қолы.
Өтініш жазылатын негізгі жағдайлар:
жұмысқа қабылдау;
жұмыстан босату;
басқа жұмысқа ауысу;
кезекті және кезектен тыс демалыс сұрау;
материалдық көмек (пәтер бөлу), балабақшадан орын
бөлу т.б.
жалақыны көтеру туралы өтініш айту т.б.
Өтініш қолмен жазылады. Мысалы, жұмысқа алу туралы
өтінішке қажетті өзге құжаттар: өмірбаян, кадрлық есепке алу
жеке қағазы немесе анкета; ұсыныс хат (мінездеме); анкета
мен куәлікке қажет фотосурет; білімі немесе кәсіби біліктілігі
туралы құжаттың көшірмесі қоса тіркеледі. Төлқұжат жеке
көрсетіледі. Еңбек Кодексі мекемелерден заңда көрсетілмеген
құжаттарды талап етуге тыйым салады.
Оқу демалысын алу туралы өтініш және жүкті болуына
немесе босануына байланысты, т.б. өтініш түрлерінің
мәтінінде соны растайтын құжаттардың (оқу орнынан
анықтама, еңбекке жарамсыздық қағазы және т.б.) бар екені
көрсетіледі. Бұл құжаттар өтінішке қоса тіркеледі.
Кезекті еңбек демалысын алу мәселесі не бекітілген
демалыс кестесі арқылы, не жеке өтініші бойынша шешіледі.
