| 10-дәріс. Оттекті тұздар
Қышқыл ішіндегі сутектің орнын метал алатын болса, сондай қосындыны
тұз деп атайды. Минералдар арасында, соның ішінде оттекті тұздар арасында,
кремний қышқылдарының тұздары, яғни силикаттар ерекше орын алады.
Барлық жер қыртысында тау-жыныстарын құраушы минералдардың көпшілігі
осы силикаттарға жатады. Кендерді пайдалану үшін оларды байыту
процестерінде қойылатын негізгі мақсат оның ішіндегі құрамында бағалы зат
бар минералдарды осы тау-жыныстарынан бөлу. Олардың ішінде
(силикаттардың) құрамында бағалы зат бар минералдар жеткілікті, бірақ негізі
«пайдасыз» минералдардан тұрады. Пайдалы силикаттар жеке қаралады. Мұнда
құрамында кремний жоқ пайдалы оттекті тұздар қаралады. Олар өздері бірнеше
топқа бөлінеді: карбонаттар (көмір қышқыл тұздары), сульфаттар (күкірт
қышқыл тұздары), фосфаттар (фосфор қышқыл тұздары), вольфраматтар (
вольфрам қышқыл тұздары), бораттар (бор қышқыл тұздары).
Достарыңызбен бөлісу: | 
