№14 Аудиофайл
Сұхбатты тыңдаңыз. Сұрақтарға жауап беріңіз.
–
Сәлем! Таныс болайық. Есімім - Асқар.
–
Сәлеметсіз бе! Мен Олжаспын.
–
Танысқаныма қуаныштымын. Мазаңды алған жоқпын ба? Кітап оқып отырған жас азамат өзің ғана
екенсің.
–
Жо-жоқ, бәрі дұрыс. Көмек қажет пе? Бір нәрсе сұрайын деп пе едіңіз?
–
Мен қазақ киносы туралы мақала жазайын деп едім. Соған байланысты әңгімелессек, қалай қарайсың?
–
Жарайды. Қарсы емеспін. Қазақ киносы туралы дейсіз бе? Бірақ мен біздің отандық киноны жасауға
үлес қосқан адамдарды білмейді екенмін. Сіз білесіз бе?
–
Қазақ киносын Шәкен Аймановсыз, Сұлтан Қожықовсыз елестету мүмкін емес. Осы екеуі негізін
қалаған десем, ешкім қарсы болмас. Ал кинода ойнаған қазақ әртістерін білесің бе?
–
Маған Асанәлі Әшімов, Тұңғышбай Жаманқұлов секілді ағаларымыздың рөлдерді келістіріп
ойнаулары қатты ұнайды. Олар театрдың да гүлі ғой.
–
Иә, дұрыс айтасың. Бекежанның рөлін Асанәлі ағамыз керемет ойнады. Ал Тұңғышбай ағамыз Абылай
хан рөлін театр сахнасында тамаша ойнады. Маған да қатты ұнайды.
–
Маған екі әртістің де түрлері, мінездері ұнайды. Менің ойымша, екеуі де қатал мінезді, бірақ мейірімді
адам сияқты.
–
Ал сен өзіңді сахнада батырды ойнаған әртіс сияқты елестетіп көрші. Сенің әртіс болғың келе ме?
–
Иә, бала күнімде әртіс болуды, мәнерлеп өлең оқыған ақын болуды армандайтынмын. Інім екеуміз
үйде әртіс болып рөл бөлісетінбіз. Мен үнемі хан болғанды ұнататынмын, ал ол жаумен шайқасқан батыр
болғысы келетін.
–
О-о, жақсы екен. Уақыт бөліп, әңгімелескеніңе рақмет! Аман бол!
–
О не дегеніңіз! Сізге де рақмет! Сау болыңыз!
330
Достарыңызбен бөлісу: |
