2019 жылдың 4 сәуір айында Красный Яр №1 орта мектебінде 9-11 сынып оқушыларының ата-аналарымен жиналысы өткізілді. Жиналысқа колледж оқытушысы Бегалин Болат Жанайдарұлы барып қатысып келді. Колледж туралы толық ақпарат берілді. Оқушыларға үлестірме қағаздары да таратылды.
Сәуірдің 17 күні филология бөлімінің оқытушысы Жабагинова Майра Қанапияқызы Көкшетау қаласы, №21 орта мектеп ата-аналарының жиналысына қатысып, ақпараттық-танымдық бейнеролик, презентация арқылы таныстыру және үгіт-насихат жұмыстарын жүргізді.
Көкшетау қаласының №14 ОМ №15 ОМ, Бірлік м-а №22 орта мектептерінде «Оқушылармен жүздесу» атты тақырыпта іс-шара жүргізілді, жетекшісі Мұратбекқызы Қарагөз. Колледж туралы толық ақпарат берілді. Оқушыларға үлестірме қағаздары да таратылды.
Сәуірдің 18 күні Көкшетау қаласы мектептерінің оқушыларына арналған ашық есік күні өтті. Мектеп оқушыларына бастауыш мектеп бөлімінің БМ-41 тобының студенті Назырхан Айнур жалпы бөлім жайында толық ақпаратты берді. Педагогика, психология және жеке пәндер әдістемесі кафедрасының оқытушысы Амиржанова Гульмира Қайыржанқызы «5 минутта үйретемін» атты мастер-класс көрсетті.
