Еңбек тәрбиесінің мақсаты

– еңбекке сүйіспеншілік пен еңбек адамдарына құрметпен қарау;

– оқушыларды халық шаруашылығының салаларындағы еңбек түрлерімен таныстыру, еңбек іс– әрекеті барысында олардың дағдысы мен іскерлігін қалыптастыру;

• 
  мамандықты таңдауға дайындау деп көрсетілген.
  

1. Біздің елде әрбір еңбек етуге жарамды адамның еңбек етуге міндеттілігін оның сенімі мен санасын орнықтыру;

2.Еңбек етуге деген қажеттілік пен талпынысқа тәрбиелеу;

3.Еңбек етуге қатысты білім, білік,дағды сапаларымен қаруландыру;

4.Оқушылардың кәсіби мамандыққа даярлығын қалыптастыру.

Еңбек тәрбиесінің мақсаты, міндеттері және мазмұны нақтылы қоғамдық тарихи жағдайға байланысты анықталып, жетіліп отырады.

Балаларды еңбекке тәрбиелеу мәселесі Ы.Алтынсариннің балаларға арналған әңгімелерінде («Таза бұлақ», «Қыпшақ Сейітқұл», «Әке мен бала», «Бай баласы мен жарлы баласы» және т.б. ) айрықша орын алып қазақ мектептеріндегі еңбек тәрбиесінің орны мен даму жолдарына үлкен мән берді.

Еңбек әрекетінде оқушыларды тәрбиелеу нәтижесінің жемісті болуы, негізінен оның педагогикалық тұрғыдан дұрыс ұйымдастырылуына байланысты.

Еңбек тәрбиесінің жүйесіне түрлі іс– әрекеттер кіреді: олар, оқу барысындағы еңбек, өзіне– өзі қызмет ету, қоғамдық пайдалы және өнімді еңбек.