Еңбек тәрбиесінің мақсаты мен міндеттері

Мектептегі еңбекке оқыту мен тәрбиелеу мәселесі туралы Я.А.Коменский, Джон Локк, И.Г. Песталоцци,А.Дистервег, К.Д. Ушинский, Ы. Алтынсарин, А.Құнанбаев, Ш.Уалиханов және т.б. еңбектерінде құнды идеялар айтқан.

Еңбек – адамның жан – жақты дамуында шешуші фактор. Ал халық педагогикасында еңбекті тәрбие жүйесінің күре тамыры деп қарастырады. Адам еңбексіз дамымайды, кері кетеді, азады. Халық педагогикасындағы орын алған еңбек және еңбекке тәрбиелеу көзқарастары қазіргі педагогика теориясындағы принциптермен ұштасып жатыр.

Балаларды еңбекке психологиялық және практикалық тұрғыдан дайындау– бұл қоғам үшін оқушылардың пайдалы еңбекке даярлығын және талаптануын тәрбиелеу, еңбекті өз бетімен, өз еркімен ынталанып орындауға үйрету.