24.3.Оқытудағы жаңа педагогикалық технологиялар, оларға сипаттама
а). Оқытудың дәстүрлі ( қайта жасау– репродуктивті– туындайтын, өнімді) технологиясы деп – ең алдымен XVII ғасырда дидактика принциптерінде қалыптасқан, чех педагогы Я.А. Коменский негіздеген және қазірге дейін бүкіл дүниежүзі мектептерінде көпшілігі қолданатын оқытудың сыныптық – сабақ жүйесін ұйымдастыру деп түсінеді.
Дәстүрлі оқыту технологияларының екі әдісі бар:
1.Иллюстративті түсіндіру әдістері, мұнда мұғалім көрнекі әдістерді қолдана отырып түсіндіреді. Лекция, әңгіме, тәжірибелер көрсету, экскурсия т.б. осы оқу материалдарын көрсете отырып түсіндіреді.
2.Репродуктивті әдісте оқушылардың білімді игеру мен қайталап айтып беру беруі үшін тапсырмалар құрастырады. Осы тапсырмалар бойынша сұрақтарға жауап береді. Бұл екі әдістің мәні – белгілі бір бөлімді оқушыларға дайындап беру процесі.
Дәстүрлі оқыту технологиясының ұнамды талаптары ол: үнемділігі, күрделі материалдың жеңіл түрде түсіндірілуі, жаңа әдіс– тәсілдерді пайдалануға икемді келуі . Сонымен бірге кемшіліктері де бар, олар: оқыту процесін дараландыруға жіктеуге қолайсыз,оқушылардың шығармашылық қабілеті мен ойлау қабілетін дамытуға мүмкіншілігі кем.
Достарыңызбен бөлісу: |
