| ФАРМАКОГЕНЕТИКА НЕГІЗДЕРІ
Клиникалық фармакогенетика – адам ағзасының ДЗ фармакологиялық жауаптың түзілуіндегі генетикалық факторлардың маңызын зерттейтін ғылым. Бұл фармакология мен генетиканың тоғысуынан пайда болған пән. ДЗ ағзаның жеке-дара жауабындағы тұқымқуалаудың маңызды екендігі бұрыннан белгілі, бірақ, фармакотерапияның тиімділігі мен қауіпсіздігіне генетикалық факторлардың әсері туралы мәліметтер, молекулярлы биология мен «Адам геномы» атты халықаралық бағдарламаның іске асырылуы салдарынан пайда болуда. Адам ағзасындағы әр түрлі белоктардың (ферменттер, белок-транспортер, рецепторлардың) қатысуымен жүретін фармакокинетикалық және фармакодинамикалық үрдістер генетикалық бақылау астында. Осы аталған белоктарды кодтайтын, тұқым қуалайтын гендегі өзгерістер ДЗ фармакокинетикасы мен фармакодинамикасын өзгертіп, фармакодинамикалық жауаптың өзгеруіне әкеліп соғады. Мұндай геномдық өзгерістер тұқымнан тұқымға беріліп отырады.
Егер популяцияда белгілі бір геннің әр түрлі аллелді варианттары болса, бұл құбылыс - генетикалық полиморфизм деп аталады, ал көптеген аллелі бар ген – полиморфты маркер деп аталады.
Достарыңызбен бөлісу: |
