Ќазаќстан республикасыныњ
жүктеу/скачать 2,14 Mb.
|
Seidahmetov-Kasipkerlik
| ДАРА КӘСІПКЕРЛІК
2006 жылы дара кәсіпкерлер қызметінің тәртібін анықтайтын «Жеке кәсіпкерлік туралы» ҚР Заңы өз күшіне енді. Аталған заң бойынша «Жеке кәсіпкерлікті қорғау мен қолдау туралы», «Шағын кәсіпкерлікті мемлекеттік қолдау туралы» және «Дара кәсіпкерлік туралы» заңдар өз күштерін жойды деп танылды. Өз қызметін жүзеге асыру барысында, дара кәсіпкерлерден және басқа да шаруашылық субъектілерден кез – келген шаруашылық субъектілері үшін орындалуы міндетті болып табылатын еңбек және зейнетақы заңнамасының, міндетті әлеуметтік сақтандыру туралы заңнаманың, сыртқы экономикалық қызметті ұйымдастыру, валюталық бақылау, бухгалтерлік есепті ұйымдастыру туралы заңнамасының және басқа да заңнамалық актілердің ережелерін ұстану талап етіледі. Дара кәсіпкерлерге қылмыстық заңнама, банкроттық туралы заңнама ережелері қолданылады. Дара кәсіпкерлер өздерінің қызметін реттейтін және құзіретіне кіретін мәселелер бойынша мемлекеттік құзырлы органдармен және жергілікті атқарушы органдармен жарияланатын нормативтік актілердің ережелерін ұстанулары қажет. Қазақстан Республикасының Конституциясында «...әркімнің кәсіпкерлік қызмет еркіндігіне, өз мүлкін кез – келген заңды кәсіпкерлік қызмет үшін еркін пайдалануға құқығы бар. Монополистік қызмет заңмен реттеледі әрі шектеледі. Шынайы емес бәсекеге тыйым салынады» деп ерекше атап көрсетілген. Жеке кәсіпкерлік – бұл жеке кәсіпкерлік қызметке негізделген және жеке кәсіпкерлік субъектілерінің атынан, олардың тәуекелімен және мүліктік жауапкершілігімен жүзеге асырылатын, табыс табуға бағытталған, жеке кәсіпкерлік субъектілерінің ынталы қызметі. Жеке кәсіпкерліктің түрлері 4 – суретте келтірілген. Дара кәсіпкерлік – жеке тұлғалардың өз меншігіне негізделген, олардың тәуекелімен және өз мүліктік жауапкершілігімен жүзеге асырылатын, табыс табуға бағытталған жеке тұлғалардың ынталы қызметі. Дара кәсіпкерлік – өзіндік және бірлескен кәсіпкерлік түрінде жүзеге асырылатын жеке кәсіпкерліктің бір түрі болып табылады. Жеке кәсіпкерлік меншік құқығында өзіне тиесілі мүлік негізінде (немесе мүлікті пайдалануға және иеленуге мүмкіндік беретін құқық негізінде) бір жеке тұлғамен жүзеге асырылады. Жеке тұлға өзіндік кәсіпкерлікті жүзеге асыру үшін ерлі – зайыптылардың жалпы мүлкін пайдаланған жағдайда, оған олардан келісімін алу қажет. Бірлескен кәсіпкерлік бірнеше дара кәсіпкерлерге тиесілі жалпы мүлік құқығы (немесе мүлікті бірігіп пайдалануға және иеленуге рұқсат ететін құқық негізде) болуына байланысты жүзеге асырылады. Бірлескен кәсіпкерлік қызмет түрлері: ерлі – зайыптылардың жалпы бірлескен меншігі негізінде жүзеге асырылатын ерлі – зайыптылардың кәсіпкерлік қызметі; шаруа (фермерлік) қожалығының жалпы бірлескен меншігі негізінде немесе жекешелендірілген тұрғын үйге деген жалпы бірлескен меншік негізінде жүзеге асырылатын отбасылық кәсіпкерлік; ҚР азаматтық заңнамасына сәйкес жалпы үлестік меншік негізінде жүзеге асырылатын қарапайым жай серіктестік. Осылайша, дара кәсіпкерлер тек шағын және орта кәсіпкерлік субъектілеріне ғана жатқызыла алады. ЖЕКЕ КӘСІПКЕРЛІК
Заңды тұлға құру арқылы жүзеге асырылатын кәсіпкерлік Жеке кәсіпкерлік Шағын кәсіпкерлік субъектісі (50 жалдамалы қызметкерлерге дейін, жылдық активтерінің жалпы құны 60 мың АЕК жоғары емес)
Орта кәсіпкерлік субъектісі (250 жалдамалы қызметкерлерге дейін, жылдық активтері 325 мың АЕК-ке дейін)
жүктеу/скачать 2,14 Mb. Достарыңызбен бөлісу:
|