Зәрдің тығыздығын анықтау. Зәрдің тығыздығы зәр құрамындағы су мен ондағы еріген заттардың арақатынасын көрсетеді.
Жұмыс барысы: Зәрдің тығыздығына оның құрамындағы мочевина көп әсер етеді. Бұл көрсеткішті анықтау үшін 100мл цилиндрге көбік пайда болмайтындай етіп толтыра зәр құяды. Егер зәр бетінде көбік пайда болса, фильтрлік қағазбен сорғызып алу керек. Содан кейін урометрді зәрге салады. Урометрдің ұшы зәрге батпай және суланбау керек. Урометр зәрде бірқалыпты тұрақты қалқып тұрғаннан кейін, төменгі ойыс-мениск бойынша оның көрсеткішін белгілеп, оған зәрдің температурасына сәйкес түзету енгізеді. Егер зәрдің температурасы 15˚С-ден жоғары болса, онда әрбір 3ºС-ға 0,001-ді алып тастайды. Осылай аңдар зәрлерінің меншікті салмақтарын анықтап, сол көрсеткіштерді бір-бірімен салыстырады.
Тығыздық көрсеткіштері түлік түрлеріне, қабылданған су мөлшеріне, диурез деңгейіне, қоршаған орта температурасына, организмнің физиологиялық күйіне (жұмыс, буаздық) байланысты өзгеріп отырады.
