Қарын қимылын балонография тәсілімен зерттеу. Тири-Велла әдісі бойынша жекеленген ішек қиындысының моторикасын зерттеу. Жұмыстың барысы: Бақаның, тауықтың, қоянның, егеуқұйрықтың ішегінен 5-6 см шамасында қиынды дайындайды. Ішек қиындасының бір ұшын жіппен буып, арнаулы иілген шыны таяқшаның ұшына байлайды, ал екінші ұшын жіп арқылы жазғыш рычагының ұшына жалғайды. (30-сурет ).Ішек қиындысын 38-40 градус Рингер-Локк ерітіндісі құйылған стаканда ұстайды. Бүкіл тәжіребие бойына стакандағы ерітіндінің осы температурасын сақтау керек. Ішек қиындысы бірден жиырылмайды. Оның қимылы жылы қанды жануарларда 10-30 минуттан соң басталады. Ішек қиындысының қимылын кимографқа жазып алады. Жалпы 5 минут бойы бақылау жүргізіп, алғашқы фонды анықтайды. Осыдан кейін препаратты ацитилхолин ерітіндісі (1:1000) құйылған стаканға ауыстырып, бақылауды әрі қарай жалғастырады. Ішектің қиынды қимылдарындағы өзгерістерді анықтап, жазып алған соң, препаратты жақсылап рингер ерітіндісімен шайып, адреналин ерітіндісі (1:1000) құйылған стаканға салып, тәжіребиені әрі қарай жалғастырады. Ацитилхолин мен адренналиннің ішек қимылына әсерін анықтайды.
