Гомогенді реакция жылдамдығына әрекеттесуші заттар концентрациясының әсері Натрий тиосульфатының күкірт қышқылымен әрекеттесуі 4 стаканға концентрациясы 0,25 моль/л-ге тең күкірт қышқылынан 10 мл-ден құяды. Басқа 4 стаканға концентрациясы 0,2 моль/л-ге тең натрий тиосульфатын және су құяды (су мен тиосульфаттың көлемі кестеде көрсетілген).
Ерітіндінің көлемін дәл өлшеп құйғаннан кейін күкірт қышқылы бар стаканға тиосульфаттың ерітіндісін құю (әрбір екі стаканның ерітінділерін қосады.) Секундомермен қанша уақыттан кейін ерітіндіде ақ тұнба түзіле бастағанын өлшейді. Тұнба түзілу себебі неде? Тәжірибенің нәтижесін кестеге жазыңыздар.
Тәжірибенің саны өзгерген сайын қай заттың концентрациясы өзгеріп отырады және неше есе? Алынған нәтижеден қандай тұжырым жасауға болады? Концентрация өзгергенде реакция жылдамдығы қалай өзгереді? ʋ=1/t eкенін ескере отырып, концентрация өзгергенде жылдамдық қалай өзгеретінін көрсететін график құрыңыздар.
