Түйежоңышқа – донник. Құрғақшылық аудандарда жақсы өнім береді, азықтық құндылығымен ерекшеленеді, әрі малдар жақсы жейді.
Түйежоңышқа кумарин деген зат болуына байланысты әрі иісіне байланысты мал бастапқы уақытта аса жей қоймайды. Үйренгеннен кейін сиырлар күніне 50 кг дейін жейді. 100 кг көк балаусада 18-22 а.ө., 100 кг пішенде 48-51 а.ө. және 210-140 г сіңімді протеин болады.
2. Көпжылдық астық тұқымдас шөптер: Еркекшөп-житняк.Оны жайылымда да, шөп күйінде де барлық малдардың түрлері жақсы жейді. Егілген сәттен бастап 2-3 жыл ішінде толық жетіледі. Бір рет шапқанда 8-20 ц өнім береді. Өнімділігі көк шөп ретінде әр гектардан 30-70 ц. Азықтық құндылығы 100 кг азығында 47-52 а.ө. және 5,1-5,8 кг сіңімді протеин бар.
Еркекшөп Қазақстанның далалық және құрғақ далалық аймақтарына кең тараған мал азықтық дақыл. Ол көпжылдық шөптесін өсімдік, қуаңшылық пен қыстың қолайсыз жағдайларына жоғары төзімділігімен және ұзақ өміршеңдігімен ерекшеленеді.
