Қойылған мақсаттарға жету, Бағдарлама міндеттерін шешу жолдары және тиісті шаралар

Күрделі жөндеуді қажет ететін кондоминиум объектілерінің үлесін төмендету мақсатында, «ТКШ-ын жаңғырту» бағдарламасының аясында жоспарланған көп пәтерлік тұрғын үйлерді күрделі жөндеуді жүргізу.

Авариялық деп танылған тұрғын үйлерде тұрып жатқан халықты көшіру мақсатында, тұрғын үй салу үшін инвесторлар тарту.

Кондоминиум объектілерін тіркеуді тұрақты бақылауда ұстау, халық пен кондоминиумды басқару органдарының қызметкерлері үшін біліктілікті арттыру курстарын, семинарлар ұйымдастыру, халықты тиісті сападағы коммуналдық қызметтермен қамтамасыз етудің тиімділігін бағалау үшін қажетті ақпаратты жинау және талдау.

Инженерлік инфрақұрылым объектілерін салу және реконструкциялау, күрделі және ағымдағы жөндеу жөніндегі іс-шараларды өткізу арқылы сумен жабдықтау объектілерінің тұрақты дамуын қамтамасыз ету.

Жаңа технологиялар мен материалдарды, оқшаулауалды құбырларын енгізу, құбырларды траншеясыз салу, автоматтандырылған жылу пункттерін, есептеуіш құралдарын орнату арқылы жылумен жабдықтау желілерін жаңғырту жөніндегі іс-шараларды іске асыру.

Терможаңғырту бойынша кешенді жұмыстар жүргізу арқылы көп пәтерлі тұрғын үйлерде және әлеуметтік объектілерде жылу энергиясын үнемдеу.

Әр түрлі климаттық аймақтағы көп пәтерлі тұрғын үйлерде энергоаудит жүргізу. Жаңа желілер мен құрылыстар салу. Коммуналдық және жеке меншіктегі желілер мен құрылыстарды жөндеу және қайта құрылымдау. Техникалық жағдайын бағалап, су бұру желілерінің техникалық-экономикалық негіздемесін әзірлеу.
5-бағыт. Экология және жер ресурстары
1. Қоршаған ортаны қорғау

Мақсаты: Тұрақты экологиялық жағдайды қамтамасыз ету, табиғи кешеннiң жаңғыру әлеуетін сақтау және қоғамның тыныс-тіршілігі үшін қолайлы қоршаған ортаның сапасын жақсарту.

«Қошқар ата» қалдықтар қоймасын қалпына келтіру және оның сұйық фаза деңгейін тұрақтандыру аяқталғанға дейін радиоактивтi және уытты қалдықтардың шаңдануына тұрақты мониторинг жүргізу;

«Қошқар ата» қалдықтар қоймасын қалпына келтіру;

тұрмыстық қатты қалдықтар полигондарын, мал көму орындарын салу;

облыстың елді мекендерінде өнеркәсiптiк және тұрмыстық қалдықтардың стихиялық қоқыс орындарын жою;

Ақтау, Форт Шевченко қалаларында, Маңғыстау ауданының Шетпе ауылында канализациялық тазарту құрылыстарын салу және реконструкциялау;

Қарақия және Маңғыстау аудандарының елдi мекендерінде жұтаң құм алаптарын бекіту;

Маңғыстау облысының теңіз порттары мен мұнай кәсіпшіліктерінің Каспий теңiзiнiң жағалық аймағына техногендік әсерін бағалау;

Мұнайлы, Түпқараған, Бейнеу, Қарақия және Маңғыстау аудандарының және тұтастай алғанда облыстың экологиялық паспортын әзірлеу;

Жаңаөзен және Ақтау қалаларында ҚТҚ-ды қайта өңдейтін зауыттар салу және пайдалануға беру;

халыққа экологиялық бiлiм беру мен тәрбиелеу.

№	Индикаторлардың, көрсеткіштердің атауы	Өлшем бірлігі	Бағалау	1 кезең			2 кезең		Жауапты орындаушы
			2010 жыл	2011 жыл	2012 жыл	2013 жыл	2014 жыл	2015 жыл
1	2	3	4	5	6	7	8	9	10
2.2 міндет. Өсiмдiк және жануар әлемін сақтау, жерлерді оңтайлы пайдалану
1	Ормандарды молықтыру және орман өсіру ауданы	мың га	0,3	0,3	0,3	0,3	0,3	0,3	ТРжТПРБ
2	Сауда-саттықта жер учаскелерін беру (конкурстар, аукциондар)	мың га	-	-	-	-	-	(нақтысы бойынша, бүгінге жоспар жоқ)	ДСБ
3	Ауыл шаруашылығы айналымына тартылған жерлерде ауыспалы егіс жүйесін қолдану**	%	-	-	-	-	-	-	АШБ
4	Табиғи жайылымдық жерлердің құрамындағы жайылымдық ауыспалы егістің үлесі (азықтық ауыспалы егіс)**	%	-	-	-	-	-	-	АШБ

*- 327 га Бейнеу-Жезқазган темір жолын салуға берілді.

** - табиғи-климаттық жағдайлардың ерекшелігін есепке ала отырып, бұл көрсеткіштер біздің облысқа қолдануға келмейді.

табиғи экожүйені сақтау және қалпына келтіру мақсатында ерекше қорғалатын табиғи аумақтар құру;

ормандарды молайту және орман өсiру;

ормандар мен жануарлар әлемін қорғау жөніндегі мемлекеттiк мекемелердiң материалдық-техникалық базасын жақсарту;

тозған жерлердің өсiмдiк жабынын қалпына келтіру жөніндегі іс-шаралар;

жерлерді ұтымды пайдалану, жерлеурді ауыл шаруашылық айналымына тарту.

Мақсаты: Мемлекет саясатын іске асыру жөніндегі мемлекеттік органдар қызметін үйлестіруді жақсарту.